ІІM: «Qarmet» AQ kásiporyndarynan janar-jaǵarmaı urlaǵan qylmystyq top quryqtaldy

<p>ASTANA. KAZINFORM &mdash; Jedel aqparatty júzege asyrý barysynda Aqmola oblysy PD uıymdasqan qylmysqa qarsy kúres basqarmasy &laquo;Qarmet&raquo; AQ ókildiginiń aýmaǵynan janar-jaǵarmaı materıaldaryn urlaý boıynsha qylmystyq shemany jolǵa qoıǵan adamdar tobynyń zańsyz áreketine tosqaýyl qoıdy. Bul týraly <a href="https://polisia.kz/iim-qarmet-aq-kasiporyndarynan-zhanar-zhagharmaj-urlaghan-top-quryqtaldy/" target="_blank" rel="noopener">Polisia.kz</a> jazdy.&nbsp;</p>

Top músheleri ózderiniń bul áreketterin uzaq ýaqyt boıy júzege asyrǵany anyqtaldy. Jábirlenýshi taraptyń málimetteri boıynsha olardyń kesirinen kásiporynǵa 50 mln teńgeden astam somaǵa shyǵyn keltirilgen.

– Budan basqa, «Qarmet» AQ qaýipsizdik qyzmetimen birlesip, kásiporyn qyzmetkerleriniń, onyń ishinde kúzet qyzmetiniń janar-jaǵarmaı jymqyrýǵa qatysy bar-joǵy tekserilýde. Tintý is-sharalary barysynda ustalǵandardan 5,5 tonnaǵa jýyq dızel otyny, iri kólemde qarajat jáne is boıynsha ózge de zattaı dáleldemeler tárkilendi. Barlyq kúdikti ýaqytsha ustaý ızolıatoryna qamaldy. Sotqa deıingi tergeý júrgizilip jatyr, - dedi ІІM uıymdasqan qylmysqa qarsy kúres departamentiniń ókili Qýandyq Alpys. 

Eske salsaq, buǵan deıin Іshki ister mınıstrligi «Qarmet» AQ-da urlyq jasady degen kúdikpen eki adamǵa izdeý jarııalaǵanyn jazǵan edik.