MÁNSHÚK MÁMETOVA. 100 JYL kollektsııalyq monetalary aınalymǵa shyqty

ASTANA. QazAqparat - 2022 jylǵy 4 qarashada Qazaqstan Ulttyq banki (budan ári – QUB) «Este qalatyn oqıǵalar men birtýar adamdar» monetalar serııasynan MÁNSHÚK MÁMETOVA. 100 JYL kollektsııalyq monetalaryn aınalymǵa shyǵarady.

Monetalardyń satylymǵa túsetin kúnine qatysty aqparat QUB-tyń resmı saıtynda qosymsha jarııalanady, dep habarlaıdy QazAqparat Ulttyq banktiń baspasóz qyzmetine silteme jasap.

MÁNSHÚK MÁMETOVA. 100 JYL kollektsııalyq monetalary týraly

Moneta Keńes Odaǵynyń Batyry Mánshúk Mámetovanyń 100 jyldyǵyna oraı shyǵaryldy.

Moneta bet jaǵynyń (aversiniń) ortalyq bóliginde Qazaqstan Respýblıkasynyń eltańbasy, onyń sol jaǵy men oń jaǵynda ulttyq oıý-órnek elementteri beınelengen. Aınaldyra QAZAQSTAN ULTTYQ BANKI • NATIONAL BANK OF KAZAKHSTAN dep jazylǵan. Tómengi bóliginde monetanyń nomınalyn bildiretin 100 TEŃGE jazýy bar.

Monetanyń syrt jaǵynyń (reversiniń) ortalyq bóliginde Mánshúktiń músindik portreti, onyń sol jaǵynda – KSRO Batyrynyń altyn juldyzy, sondaı-aq týǵan jyly men mereıtoılyq kúndi bildiretin «1922» jáne «2022» degen jazýlar bar. Oń jaǵynda Mánshúk Mámetova erlik jasap, qaza bolǵan «NEVELЬ» qalasynyń kartasy men jazýynyń stıldendirilgen beınesi berilgen. Monetanyń joǵarǵy bóliginde «Keńes Odaǵynyń Batyry» degen joǵary memlekettik nagradasyna usyný anyqtamasynyń aıshyqty mátini basylǵan.

Nomınaly 100 teńgelik MÁNSHÚK MÁMETOVA. 100 JYL kollektsııalyq monetalary brilliant uncirculated sapasynda melhıor qospasynan turady, massasy – 15 gramm, taralymy – 15 000 danada.

Kollektsııalyq monetalar belgilengen quny boıynsha Qazaqstan Respýblıkasynyń búkil aýmaǵynda barlyq tólem túri boıynsha, sondaı-aq bank shottaryna esepteý úshin, Qazaqstan Respýblıkasynyń barlyq bankterinde aýdarý, usaqtaý jáne aıyrbastaý úshin qabyldanýǵa mindetti.

Kollektsııalyq monetalar Qazaqstannyń teńge saraıynda jasalǵan.

Foto: nationalbank.kz