ІІM munaı ónimderi iri kontrabandasynyń arnasyn joıdy

<p>ASTANA. KAZINFORM &ndash; ІІM uıymdasqan qylmysqa qarsy kúres bólinisiniń qyzmetkerleri munaı ónimderiniń iri kontrabandasynyń arnasyn joıdy. Bul týraly <a href="https://polisia.kz/iim-munaj-onimderi-iri-kontrabandasynyng-arnasyn-zhojdy/" target="_blank" rel="noopener">Polisia.kz</a> habarlady.&nbsp;</p>

Jedel is-sharalardyń nátıjesinde shekaradan shyǵarýǵa arnalǵan 10-nan astam vagon-tsısterna tabyldy. Іrgeles memlekettiń aýmaǵyna jóneltilmek bolǵan vagondarda quny 120 mln teńgeden asatyn 750 tonnadan astam munaı ónimi bolǵan. Olar toqtatylyp, tergeý júrgizý úshin tárkilendi.

– Munaı ónimderin tıisti ruqsat qujattarynsyz tasymaldaý faktisi boıynsha qylmystyq is qozǵaldy. Jedel-tergeý is-sharalarynyń kesheni júrgizilip jatyr, - dedi ІІM uıymdasqan qylmysqa qarsy kúres departamentiniń basqarma bastyǵy Qýandyq Alpys. 

Eske sala keteıik, buǵan deıin Atyraý oblysyndaǵy kompanııalar 8 aıda 33,5 mln tonna munaı óndirgenin jazǵan edik.