M.Qul-Muhammed «Kazahstanskaıa pravda» gazetiniń ujymyna jańa basshyny tanystyrdy

ASTANA. 16 qańtar. QazAqparat - «Kazahstanskaıa pravda» Respýblıkalyq gazeti» AQ-nyń Basqarma tóraǵasy bolyp Aleksandr Tarakov taǵaıyndaldy.

Búgin gazet ujymyna jańa basshyny QR Mádenıet jáne aqparat mınıstri Muhtar Qul-Muhammed tanystyrdy.

A.Tarakov QR Mádenıet jáne aqparat vıtse-mınıstri qyzmetine aýysqan Janaı Omarovtyń ornyna keldi. Aleksandr Tarakov 1997 jyldan beri «Kazahstanskaıa pravda» basylymynda bas redaktordyń orynbasarynan bastap, AQ prezıdenti laýazymyna deıin qyzmet atqaryp kelgen bolatyn.

Ol S.M.Kırov atyndaǵy Qazaq memlekettik ýnıversıtetiniń Jýrnalıstıka fakýltetin (1983 jyly), KIMEP (1993 jyly) oqý oryndaryn támamdaǵan. 2008 jyldan beri QR jýrnalıstıka akademııasynyń akademıgi, Qazaqstan bas redaktorlary klýbynyń múshesi, Jazýshylar odaǵynyń múshesi, saıasattanýshy.