Mədenıet jəne sport mınıstrligi balalar arasynda jańa joba bastady
Atalǵan baıqaý - vokal (dástúrli, estradalyq, akademııalyq), mýzykalyq aspapta oınaý (ishekti, perneli, urmaly, úrmeli aspaptar boıynsha), kórkemsóz (óleń oqý sheberleri), beıneleý jəne qoldanbaly óner janrlary boıynsha ótedi.
Baıqaýǵa qatysýshylardyń jasy: 6 men 18 jas aralyǵy. Ónerpazdar jas shamasyna qaraı 6-9 jas - kishi top, 10-13 jas - orta top, 14-18 jas - úlken top bolyp úshke bólinedi.
Baıqaýǵa qatysý úshin sapaly túsirilgen beınejazba men qatysýshy týraly tolyq aqparatty onerli.oren@mail.ru, Onerli.Oren@gmail.com elektrondy poshtasyna joldaý qajet. Baıqaýǵa qatysýshy shyǵarmasyn jandy daýysta oryndaýy kerek.
Ár janrdan 10 qatysýshydan toptalyp baq synaıdy.
Túngi 00:00-de bir janr, bir jas shamasyndaǵy 10 balanyń beınejazbasy @onerli.oren Instagram-paraqshasyna #onerli.oren heshtegimen jáne Onerli.Oren YouTube-kanalynda jarııalanady.
Daýys berý - like arqyly tek Instagram- paraqshasynda júrgiziledi. Bir laık - bir daýys.
Daýys berý ár janrdan 10 qatysýshynyń beınejazbasy jarııalaǵan sátten bastap, 3 táýlik boıy ashyq qabyldanady, 3-shi kúni 23:00-de daýys berý toqtatylady.
Jeńimpazdar 23:30-da paraqshada jarııalanyp otyrady. Qatysýshynyń beınejazbasy paraqshada saqtalyp tura beredi. Odan ári qaraı jınalǵan daýystar men jazylǵan pikirlerdiń baıqaýǵa qatysy bolmaıdy.
Daýys berý qatań súzgiden ótetin bolǵandyqtan, baǵdarlamalar (bot) arqyly berilgen daýys eseptelinbeıdi.
Birdeı daýys jınaǵan ónerpazdar bolǵan jaǵdaıda, birdeı eki oryn beriledi. Ár kúngi qatysýshylar arasyndaǵy júlde: Bas júlde, 1-oryn, 2-oryn, 3-oryn.
Júldegerlerge QR Mádenıet jáne sport mınıstrliginiń laýreattyq dıplomy beriledi. Dıplom elektrondy túrde kórsetilgen poshtaǵa jiberiledi. Oryn almaǵan qatysýshylarǵa «Qatysqany úshin» dıplomy beriledi.
Baıqaý janrlary aldyn ala jınalǵan beınejazbalardyń sanyna qaraı júredi.
Baıqaý sońynda Bas júlde alǵan qatysýshylar týraly tolyq aqparat paraqshada jarııalanady.