ІІM Antıkormen birlesip elordaǵa sıntetıkalyq esirtki jetkizetin iri ortalyqty joıdy

<p>Jalpy jáne arnaıy is-sharalardy ótkizý barysynda elordalyq polıtsııa departamentiniń qyzmetkerleri Sybaılas jemqorlyqqa qarsy is-qımyl agenttigimen birlesip, Almatydan Astanaǵa sıntetıkalyq esirtki jetkizýdiń iri arnasynyń jolyn kesti. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://polisia.kz/iim-antikormen-birge-elordagha-sintetikalyq-esirtki-zhetkizuding-iri-arnasyn-zhojdy/" target="_blank" rel="noopener">Polisia.kz</a>-e silteme jasap habarlaıdy.&nbsp;</p>

6 qańtarda Astana qalasynda logıstıkalyq kompanııa arqyly esirtkiniń iri partııasyn alý kezinde Pavlodar oblysynyń turǵyny ustaldy. Odan avtokólikti tintý kezinde 4,8 kg mefedron salynǵan 16 polıetılen paket, elektrondy tarazy jáne 500 dana zip-paket tárkilendi.

Bir mezgilde Almaty qalasynda esirtki jóneltýshi quryqtaldy. Onyń páterin tintý barysynda esirtki zaty bar bes plastmassa konteıner, ekinshi deńgeıli bankterdiń tólem kartalary, 1,3 mln teńge kóleminde qarajat jáne elektrondy tarazy tárkilendi.

«Osy fakti boıynsha Qazaqstan Respýblıkasynyń Qylmystyq kodeksiniń 297-baby 3-bóligimen qylmystyq is qozǵaldy, ustalǵandarǵa qatysty qamaýǵa alý túrindegi bultartpaý sharasy tańdaldy», – dedi QR ІІM esirtki qylmysyna qarsy is-qımyl departamenti bastyǵynyń orynbasary Sarqytbaı Qusaıynov.