M.Ábsemetov: Aıdyn Aıymbetovtiń ǵaryshqa ushýy - Qazaqstan halqynyń kezekti jeńisi

ASTANA. QazAqparat - Aıdyn Aıymbetovtiń ǵaryshqa ushýy - bul kópultty Qazaqstan halqynyń kezekti jeńisi. QR ulttyq muraǵatynyń bas dırektory Marat Ábsemetov osyndaı pikirimen bólisti.

«Bul mańyzdy ushý boldy, óıtkeni ol bul sátke kóp daıyndalyp, bizdiń, qazaqstandyq ulttyq ǵarysh baǵdarlamasyn sátti oryndady. Qazaqstan - «Baıqońyr» ǵarysh aılaǵy ornalasqan el. Sondyqtan Aıdyna Aıymbetovtiń ǵaryshqa ushýy zańdylyq. Ol orbıtaǵa ushqan sońǵy qazaqstandyq ǵaryshker emes dep oılaımyn. Qazaqstan bolashaqqa nyq qadam basyp keledi, sondyqtan ǵarysh zerttemeleri, álemniń jetekshi ǵalymdarymen yqpaldasý elimiz úshin qajet. Óıtkeni memleketimiz ınnovatsııalar men ǵylymı-tehnıkalyq ilgerileýge umtylǵan elderdiń qatarynda», - dedi M.Ábsemetov.

Ol Aıdyn Aıymbetovtiń ǵaryshqa ushýy Qazaqstannyń halyqaralyq arenadaǵy ımıdjine oń áserin tıgizgenin atap ótti.

«Árbir azamatymyzdyń jetistigi Qazaqstannyń ımıdjin kóterýge septesedi. Bul úlken mańyzǵa ıe. Bizdiń ǵaryshkerdiń ǵaryshqa ushýy elimizde ǵana emes, shetelderde de oń qoldap-qolpashtaýlarǵa ıe bolady», - dedi M.Ábsemetov.

Sonymen qatar ol A.Aıymbetov júrgizgen ǵaryshtyq zertteýler kóptegen ǵylymı baǵyttardyń damýyna septigin tıgizetinin aıtty.