Lývr mýzeıine qoıylatyn ulttyq pavılonnyń jobasy ázirlendi – Mádenıet komıteti

<p>2026 jyly Parıjdegi Lývr mýzeıinde ótetin qazaq halqynyń ulttyq kórmesine daıyndyq jumystary bastalyp ketti. Bul týraly QR Mádenıet jáne aqparat mınıstrligi Mádenıet komıtetiniń tóraǵasy Kúmis Seıitova málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

«Jahandyq mádenıetter almasýy mýzeı salasy qyzmetkerlerine úlken jaýapkershilik artyp, olardan kásibı biliktiligin jan-jaqty arttyrýdy talap etip otyr. Zamanaýı mýzeı tarıh pen mádenıet arqyly qoǵamdyq sanany jańǵyrtyp, týrıster áleýetin tartýdy, kóne jádigerlerdi qorda saqtaýmen ǵana shektelmeı iri ǵylymı ortalyq retinde jumys jasaý talaptaryn qoıyp otyr. Osyǵan oraı búginde Mınıstrlik Memleket basshysynyń tapsyrmasyna sáıkes 2026 jyly Frantsııadaǵy álemge áıgili Lývr mýzeıinde Qazaqstannyń ulttyq kórmesin uıymdastyrý jumystaryna daıyndyqty bastap ketti», - dedi Kúmis Seıitova elordada mýzeı qyzmetkerleriniń І kongresinde.

Onyń málimdeýinshe, atalǵan halyqaralyq kórmege daıyndyq aıasynda 2026 jyly Qazaqstannyń ulttyq kórmesin ótkizý jóninde aldyn-ala ýaǵdalastyqqa qol jetkizildi.

«Lývr mýzeıinde qoıylatyn Qazaqstannyń ulttyq pavılonynyń tujyrymdama jobasy ázirlendi», - dedi komıtet basshysy.

Odan bólek, búginde mınıstrlik Qazaqstannyń materıaldyq emes mádenı muralarynyń ulttyq tizilimin jańartyp jatyr.

«Búginde ulttyq tizilimge qazaq halqynyń Naýryz meıramy, asyq oıyny, toǵyzqumalaq, dombyra aspabynda oınaý, betashar, orteke ulttyq bıi taǵy basqa barlyǵy 47 ulttyq qundylyqtar engiziledi», - dep tolyqtyrdy K. Seıitova.