«LÝKOIL» Almaty oblysynda iri zaýyt ashqaly otyr

ASTANA. QazAqparat - Kelesi jyly «LÝKOIL» kompanııasy Almaty oblysynda qýattylyǵy 100 myń tonnalyq maılaý materıaldaryn óndiretin zaýyt ashpaq. Jańa zaýyttyń ashylatyny jaıly Astanada ótken Sheteldik ınvestorlar keńesiniń otyrysynda kompanııa prezıdenti Vagıt Alekperov málim etti, dep habarlaıdy QazAqparat tilshisi.

«TMD aýmaǵynda bul óz salasy boıynsha eń iri ınnovatsııalyq jáne jetekshi kásiporyn bolady. Qazirgi zamanǵy kez kelgen tehnıka men qurylǵyǵa arnalǵan maı túrleriniń óndirisi jolǵa qoıylady. Protsesterdi avtomattandyrýdyń arqasynda 24 saǵattyń ishinde kez kelgen tapsyrysty qanaǵattandyra alamyz», - deıdi Vagıt Alekperov.

Kompanııa basshysynyń aıtýynsha, «LÝKOIL» kompanııasynyń Qazaqstandaǵy jańa jobalary eki baǵytta damıtyn bolady.

«Eń birinshi kezekte, bul - qaırań. Biz Kaspıı teńiziniń ashyq áleýetine senemiz. Sonymen birge, ózge de qaırańdarda geologııalyq barlaý jumysynyń jańa bloktaryn júrgizýge múddelimiz», - deıdi ol.

Aıta keterligi, Qazaqstan men «LÝKOIL» kompanııasyn 23 jyldan bergi seriktestik baılanystyrady. Reseılik kompanııa Qazaqstannyń ekonomıkasyna odan beri 7,5 mlrd AQSh dollaryn salǵan.

Foto: media.gazprom-neft.ru