Lýkashenko: men zeınet jasyn 3 jylǵa kezeń-kezeńmen kóterýdi quptaımyn
20:16, 18 Naýryz 2016
ASTANA. QazAqparat - Belarýs Prezıdenti Aleksandr Lýkashenko búgin "Kommýnarka" fabrıkasy ujymymen áńgimeleskende zeınet jasyn 3 jylǵa kezeń-kezeńmen kóterýdi qoldaıtynyn aıtty, dep habarlady BELTA.
"Bul baǵytta birtindep jáne yqtııatpen jyljýymyz kerek dep oılaımyn, - dep atap ótti memleket basshysy. - Ár jylda zeınet jasyna jarty jyldan qosyp 3 jylǵa kótergen durys degen pikirdemin. Osylaısha birtindep alty-jeti jyldan keıin úsh jylǵa ulǵaıtamyz".
Aleksandr Lýkashenko 55 jáne 60 jastan zeınetke shyǵý tek Belarýs pen Reseıde ǵana qalǵanyn aıtty.
Ol memlekettiń nelikten osyndaı sharaǵa barýǵa májbúr ekenin jetkizdi. "El boıynsha adamdardyń jalaqysy joǵary emes jáne ol ósip te jatqan joq. Al zeınetaqy qory jalaqydan qalyptasady", - dedi Prezıdent.