Lýkashenko: Qazaqstan zamanaýı syn-qaterlerge sátti jaýap berip, jahandyq úderisterge belsendi qatysýda

<p>ASTANA. KAZINFORM &ndash; Belarýs Respýblıkasynyń prezıdenti Aleksandr Lýkashenko Belarýs halqynyń jáne jeke óziniń atynan Qazaqstan Respýblıkasynyń Prezıdenti Qasym-Jomart Toqaevty ulttyq mereke &ndash; Respýblıka kúnimen quttyqtady. Bul týraly <a href="https://belta.by/president/view/lukashenko-kazahstan-uspeshno-otvechaet-na-sovremennye-vyzovy-i-aktivno-uchastvuet-v-globalnyh-670684-2024/" target="_blank" rel="noopener">BELTA </a>agenttigine Belarýs basshysynyń baspasóz qyzmeti habarlady.</p>

«Búginde Astana zamanaýı syn-qaterlerge sátti jaýap berip, Ádiletti Qazaqstan qurý jolynda aýqymdy reformalardy júzege asyra otyryp, jahandyq úderisterge belsene qatysýda», - delingen quttyqtaýda.

«Bizdiń halyqtarymyz arasyndaǵy dostyq pen ózara qurmet dástúrleri eki memlekettiń strategııalyq seriktestigin údemeli keńeıtýde mańyzdy ról atqaryp, Eýrazııalyq keńistiktegi ıntegratsııalyq úderisterdi tereńdetýge yqpal etetinine senimdimin», - dedi Lýkashenko.

Belarýs Prezıdenti Qasym-Jomart Toqaevqa zor densaýlyq, josparlarynyń barlyǵyn júzege asyrý úshin kúsh pen qýat, al baýyrlas Qazaqstan halqyna beıbitshilik, birlik pen gúldený tiledi