Lýkashenko EAEO jáne UQShU sammıtterine qatyspaıdy

ASTANA. QazAqparat - RF perzıdentiniń baspasóz hatshysy Dmıtrıı Peskov EAEO jáne UQShU sammıtterinde Belarýs prezıdenti Aleksandr Lýkashenkonyń qatyspaý sebebin belarýs tarapy aıtýy tıis ekenin habarlady, dep jazady RIA Novostı.

 «Muny  «selqostyq» dep túsinýge kelmeıdi. Belarýs áriptesterimiz bizge Lýkashenko búgingi sammıtterge qatysa almaıtynyn habarlaǵany ras. Munyń sebebin Belarýs prezıdentiniń baspasóz qyzmeti habarlaýy tıis»,  - dedi Peskov jýrnalısterge.

 «Belarýs bizdiń jaqyn odaqtasymyz, Biz Odaqtas memleketpiz, solaı qala beretinimizdi bilesizder. Olar barlyq halyqaralyq isterde, saýda-ekonomıkalyq yntymaqtastyqta asa mańyzdy áriptesterimizdiń biri. Belarýs halqy reseıliktermen birge aza tutyp jatqanyn asa joǵary baǵalaımyz. Bul óte mańyzdy, bul bizdiń qatynastarymyz ben odaqtyń deńgeıin taǵy bir márte dáleldeı tústi», - dedi ol.