Lýkashenko: Belarýs Reseımen biryńǵaı valıýtanyń engizilýine qarsy emes

ASTANA. QazAqparat - Belarýs Respýblıkasy Reseımen odaqtas memleket retinde biryńǵaı valıýtanyń engizilýine qarsy emes, alaıda emıssııalyq ortalyq qurý máselesinde teń quqyly bolýdy qalaıdy, dep málim etti Belarýs Prezıdenti Aleksandr Lýkashenko.

A. Lýkashenkonyń atap ótýinshe, onyń túsinigindegi teń quqylyq - barlyq máselelerdiń eki eldiń múddelerin eskere otyryp sheshilýi. «Emıssııalyq ortalyq táýelsiz bolýy kerek», - dep atap ótti A.Lýkashenko. Aıta keteıik, Belarýs pen Reseı odaqtas memleket qurý týraly kelisimshartqa 1999 jyly qol qoıyldy. Odaq jobasynda biryńǵaı saıası, ekonomıkalyq, áskerı, kedendik, valıýtalyq jáne zańdy keńistiktiń bolýy qarastyrylǵan.