Lýgansk oblystyq memlekettik ákimshiliginiń Tóraǵasy Qazaqstanǵa alǵysyn bildirýde

ASTANA. QazAqparat - Qazaqstan Respýblıkasynyń Ýkraınadaǵy Tótenshe jáne Ókiletti Elshisi Zaýytbek Turysbekovtyń Lýgansk oblystyq memlekettik ákimshiliginiń Tóraǵasy Gennadıı Moskalmen kezdesýi ótti, dep habarlaıdy QR SІM baspasóz qyzmetinen.

Kezdesý barysynda Lýgansk oblysy men Qazaqstan Respýblıkasy aımaqtary arasyndaǵy yntymaqtastyqty odan ári damytý máseleleri talqylandy.

G. Moskal Qazaqstan Respýblıkasynyń Prezıdenti N.Á. Nazarbaevqa jáne Qazaqstan halqyna kórsetilgen gýmanıtarlyq kómek úshin shyn alǵysyn bildirdi. Ol azyq-túlik túrindegi gýmanıtarlyq kómektiń mańyzdylyǵy men der kezdiligin atap ótip, atalǵan gýmanıtarlyq kómek Ýkraınanyń ońtústik-shyǵys aımaqtarynyń turǵyndary arasynda bólinetindigine sendirdi.