02:16, 29 Qazan 2024

Lufthansa Group Tel-Avıvke reısterdi toqtatý merzimin uzartty

ASTANA. KAZINFORM - Taıaý Shyǵysta bolyp jatqan oqıǵalarǵa baılanysty Lufthansa Group halyqaralyq avıatsııa kontserni ushý kestesin, atap aıtqanda Austrian Airlines, Brussels Airlines, Lufthansa jáne SWISS áýe kompanııalary úshin túzetý týraly sheshim qabyldady, dep habarlaıdy kompanııanyń resmı saıty.

Foto: lufthansa.com

Bul túzetý kelesi aımaqtarǵa áser etedi:

  • Tel-Avıvke jáne odan shyǵatyn reıster 2024 jyldyń 25 qarashasyna deıin toqtatyldy.
  • Tegeranǵa jáne odan keri reıster 2025 jyldyń 31 qańtaryna deıin toqtatyldy.
  • Beırýtke jáne odan keri reıster 2025 jyldyń 28 aqpanyna deıin toqtatyldy.

Lufthansa toby jaǵdaıdy muqııat qadaǵalap otyrýdy jalǵastyratynyn jáne aldaǵy kúnderi ony ári qaraı baǵalaıtynyn atap ótti.

- Zardap shekken jolaýshylar keıinirek tegin brondaýǵa bolady nemese balamaly túrde aqshasyn tolyq qaıtara alady. Jolaýshylarymyzǵa keltirilgen qolaısyzdyqtar úshin keshirim suraımyz. Jolaýshylar men ekıpajdyń qaýipsizdigi árqashan bizdiń basty basymdyq bolyp tabylady», - delingen habarlamada.

Buǵan deıin habarlanǵandaı, Qatar Airways Iranǵa, Irakqa jáne Lıvanǵa reısterdi toqtatty, sondaı-aq shıelenistiń kúsheıýine jáne Izraıldiń Iranǵa soqqysyna baılanysty Iordanııaǵa reısterdi shekteıdi.

Taıaý Shyǵystaǵy ahýal Ushaq Áýe qatynasy
Ashat Raıqul
M.H.Dýlatı atyndaǵy TarMÝ túlegi. Jýrnalıstıka salasynda 15 jyldan beri eńbek etip keledi. Aımaqtyq, salalyq, respýblıkalyq basylymdarda, ınternet-portaldarda túrli qyzmetter atqarǵan. 2022 jyldan beri - QazAqparat agenttiginiń shyǵarýshy redaktory.