Lýdomanııadan emdeletinder dıspanserlik esepke alynbaıdy

<p>ASTANA. KAZINFORM &ndash; Elimizde lýdomandardy dıspanserlik esepke qoımaı emdeýdiń jańa tártibi engizilýde. Bul týraly QR týrızm jáne sport vıtse-mınıstri Mıras Tólebaev aıtyp berdi.</p>

«Jasyratyny joq, lýdomandar memlekettik klınıkalarǵa júginbeıdi. Onyń sebebi, mundaı patsıentterdiń esepke alynýynda. Esepke alynǵan azamattar JOO-ǵa túse almaıdy, áskerde qyzmet ete almaıdy nemese jumysqa ornalasa almaıdy. Densaýlyq saqtaý mınıstrliginiń málimeti boıynsha, resmı esepte bar-joǵy 19 lýdoman bar», - dedi M. Tólebaev Ortalyq kommýnıkatsııalar qyzmetinde ótken brıfıngte.

Onyń aıtýynsha, patsıentterdiń kópshiligi óte qomaqty aqshaǵa jeke uıymdarda ońaltýdan ótedi.

«Óıtkeni, jeke klınıkalar baqylaýǵa alynbaıdy jáne jabyq bolý máselesi bar. Endi memlekettik klınıkalarda da anonımdik qamtamasyz etiledi. Jańa zańnama lýdomandardy sapaly tegin medıtsınalyq kómekpen qamtamasyz etýge múmkindik beredi», - dedi spıker.

Eske sala ketsek, 8 shildede Memleket basshysy oıyn bıznesi men lotereıa qyzmetin retteý boıynsha jańa zańǵa qol qoıdy. Bul qujat 8 kodeks pen 14 zańnyń normalaryn qozǵaıtyn buryn-sondy bolmaǵan 150 túzetýdi qamtıdy.