LRT jelisiniń qurylysy qaı deńgeıde júrip jatyr – Astana ákiminiń jaýaby

<p>ASTANA. KAZINFORM &ndash; Bıyl elordada LRT qurylysynyń beton turǵyzý jumysy aıaqtalmaq. Bul týraly Astana qalasynyń ákimi Jeńis Qasymbek málim etti.</p>

«LRT jelisiniń qurylysy belsendi júrip jatyr. Joba respýblıkalyq bıýdjet esebinen salynýda. Ol úshin 3,75%-ben nesıe aldyq, bul - óte jaqsy paıyz. Zaımnyń kólemi shamamen 1 mıllıardtan 1,3 -1,4 mlrd teńgege deıin», - dedi Jeńis Qasymbek Úkimet otyrysynan keıin ótken baspasóz máslıhatynda. 

Sondaı-aq, elorda ákimi bıyl LRT jelisiniń qurylysyna qatysty qandaı jumystardyń aıaqtalatynyn aıtty. 

«Bıyl estakada bóligi, ıaǵnı beton turǵyzý jumysyn aıaqtaýdy kózdep otyrmyz. Kelesi jyly jeliniń joǵarǵy qurylysyn bitirý josparda bar. Sonymen qatar búginde poıyzdar men jabdyqtarǵa tapsyrys berý jumysy qolǵa alyndy», - deıdi shahar basshysy. 

Buǵan deıin Astana ákimi LRT qurylysy belgilengen merzimde aıaqtala ma degen saýalǵa pikir bildirgen edi.