LRT jelisi Tóle bı kóshesi arqyly ótedi – Almaty ákimi
Áýezov aýdanynyń turǵyny ákimmen kezdesýde Almatyda LRT jelilerin salý máselesi kópten beri aıtylyp júrgenin jetkizdi.
«2010 jyldan beri bul másele sheshimin tappaı keledi. Men onyń qanshalyqty ózekti ekenin bilgim keledi? Tóle bı kóshesiniń boıyndaǵy tramvaı relsteri áli tolyq alynǵan joq», - dep surady almatylyq ákimnen.
Erbolat Dosaev Tóle bı kóshesi boıyndaǵy LRT jobasy qalany damytý josparyna engizilgenin atap ótti.
«Jaqynda Memleket basshysy Pavlodarda Almaty tramvaıyna qatysty oıyn bildirdi. Biz qalany damytý josparyna engizgen jańa joba – bul tómen edendi tramvaı tıpti LRT. Kelesi jyldyń kókteminde jobanyń qunyna qatysty túpkilikti sheshim qabyldaımyz. Tóle bı kóshesinde LRT bolady. Saıahat avtovokzalynan jelilerdi qosyp, Aqsaıǵa deıin sozý qala úshin óte mańyzdy. Biz jerdi satyp alý jumystaryn jalǵastyramyz. Kelesi jyldyń kókteminde jobanyń qalaı júzege asatynyn aıtamyn», - dedi Erbolat Dosaev.
Buǵan deıin Almatyda jeńil relsti kóliktiń birinshi jelisi 2027 jyly iske qosylatynyn jazǵan edik.
Aıta keteıik, LRT jelisiniń qurylysy 2020 jylǵa josparlanǵan bolatyn. Jobanyń ınvestıtsııalyq quny – 94 203 mln teńge.
Foto: almaty-lrt.kz