LRT poıyzy operatorlaryn oqytýǵa aldyn ala qabyldaý bastalady

<p>ASTANA. KAZINFORM &ndash; &laquo;City Transportation Systems&raquo; JShS jeńil relsti kólik jelisinde jumys isteıtin poıyz operatorlaryn (mashınıst) oqytýǵa aldyn ala qabyldaý bastalǵanyn habarlady. LRT quramdary tolyǵymen avtomattandyrylǵan jáne pılotsyz bolady.</p>

LRT poıyz operatorlarynyń negizgi mindetteri: 

— jolaýshylardyń qaýipsizdigin jáne poıyzdyń tehnıkalyq jaǵdaıyn, barlyq qaýipsizdik normalarynyń saqtalýyn qadaǵalaý; 

— avtomattandyrylǵan basqarý júıesiniń jumysyn úzdiksiz baqylaý, aqaýlardy anyqtaý jáne joıý;

— vagondardyń elektrli jylytýdy/jeldetýdi saqtaý, jolaýshylardy otyrǵyzyp/túsirý tártibin retteý, jyljymaly quramnyń úzdiksiz jumysyn qamtamasyz etý boıynsha basqa da jumystardy atqarý. 

«Biz Qazaqstan Respýblıkasynyń Eńbek kodeksine sáıkes resmı jumysqa ornalasýdy, jumys berýshiniń esebinen biliktilikti arttyrýdy jáne oqytýdy usynamyz. Oqytý nátıjesi boıynsha LRT basqarýǵa arnalǵan halyqaralyq úlgidegi sertıfıkat beriledi. 

Oqý merzimi 1 jylǵa deıin. Oqytý Astana q./QHR jumys berýshiniń esebinen júrgiziledi. Qyzmetkerler Qazaqstan Respýblıkasynyń azamattarynan quralady», — dep málimdedi vedomstvodan. 

Maqsat — mamandandyrylǵan kompanııany jumysqa tartpaı, LRT júıelerin paıdalaný, tehnıkalyq qyzmet kórsetý jáne jóndeý daǵdylaryn úıretý (aǵymdaǵy jáne kúrdeli jóndeý).

Úmitkerlerge qoıylatyn talaptar: 

— temir jol kóligi salasyndaǵy joǵary bilim;

— jumys tájirıbesi lokomotıv mashınısi laýazymynda keminde 3 jyl/lokomotıv mashınısi kómikshisi retinde keminde 5 jyl.

Jumys aýysymdyq keste boıynsha júzege asyrylady.

Túıindeme CTS resmı saıty arqyly qabyldanady. Suraqtar boıynsha telefon nómiri: Astana q. [phone] (ishki 102)