LRT qurylysyn Qytaı kompanııasy aıaqtaıdy – Jeńis Qasymbek

ACTANA. QazAqparat – Astana ákimi Jeńis Qasymbek kásipkerlermen kezdesýden keıin BAQ ókilderine bergen suhbatynda LRT qurylysyn Qytaı kompanııasy aıaqtaıtynyn málim etti, dep habarlaıdy QazAqparat tilshisi.

BAQ ókilderi ákimnen LRT qurylysyn qandaı merdiger jalǵastyratynyn surady.

«Bas merdiger – Qytaı kompanııasy. Sol kompanııa atalǵan nysandy qurylysyn ári qaraı sala beredi», - dedi ákim.

Sondaı-aq, ol vagondarǵa da bas merdiger tapsyrys beretinin atap ótti.

«Nysannyń jyljymaly quramyna (vagondardy – red.) da solar tapsyrys beredi. Bas merdiger belgili bolǵandyqtan, nysandy ózi aıaǵyna deıin jetkizedi», - dedi Jeńis Qasymbek.