LRT: Syǵanaq kóshesindegi kólik qozǵalysy 25 jeltoqsannan bastap qalpyna keledi

<p>LRT jelisiniń jobasyn iske asyrý aıasynda Syǵanaq kóshesiniń boıynda Saýran men Aqmeshit kósheleriniń qıylysynda monolıtti temirbeton balkalaryn ornatý jumysy aıaqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Osyǵan baılanysty, 25 jeltoqsannan bastap Syǵanaq kóshesiniń boıymen, Qabanbaı batyr dańǵylynan «Arys» kópirine deıingi (ońtústik jaǵy) qozǵalys tolyǵymen qalpyna keltiriledi. Qozǵalys ákimshilik polıtsııa basqarmasymen kelisilgen jol qozǵalysyn uıymdastyrý syzbasyna sáıkes júzege asyrylady.

Aıta keteıik, estakadanyń qurylys jumystaryn júrgizýge baılanysty, 25 tamyzdan bastap Syǵanaq kóshesiniń boıymen, Qabanbaı batyr dańǵylynan Túrkistan kóshesine deıingi (ońtústik jaǵy) qozǵalysqa tolyǵymen, Syǵanaq kóshesiniń boıymen Túrkistan kóshesinen Qabanbaı batyr dańǵylyna deıingi ýchaskede (soltústik jaǵy) ishinara shekteý (eki jolaq) engizilgen bolatyn.

Qazirgi ýaqytta, atalǵan ýchaskede ýaqytsha konstrýktsııalardy buzý jáne ýchaskeni tazalaý júrgizilip jatyr.

«Kólik júrgizýshileri qıylystardan burylý kezinde ózgeristerge nazar aýdarýdy jáne saparlaryn josparlaý kezinde osy aqparatty eskerýdi suraımyz», - delingen habarlamada.