Louis Vuitton, Apple, Lexus: 60 mln teńgeniń kontrafaktili ónimi tárkilendi

<p>Belgili qazaqstandyq jáne sheteldik brendterdiń taýar belgisimen shyǵarylǵan 35 myńnan astam birlik kontrafaktili ónim tárkilendi. Bul týraly Ádilet vıtse-mınıstri Botagóz Jaqselekova aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Aýmaqtyq ádilet organdary quqyq ıelenýshilerdiń ótinishteri negizinde Qazaqstanda qorǵalatyn taýar belgilerin paıdalaný mánine jospardan tys 161 tekserý júrgizdi. Tekserý nátıjeleri boıynsha 143 quqyq buzýshylyq anyqtaldy», – dedi ol Ortalyq kommýnıkatsııalar qyzmetindegi brıfıngte.

Vıtse-mınıstrdiń dereginshe, Ákimshilik quqyq buzýshylyq týraly kodekstiń 158-baby boıynsha 145 is qozǵalyp, 128 adam ákimshilik jaýapkershilikke tartyldy.

«Sotpen toqtatylǵan ister joq. Memleket kirisine aıyppul túrinde 10 mln teńge óndirildi. Zańsyz aınalymnan jalpy somasy 60 mln teńgeden astam somaǵa 35 myńnan astam birlik kontrafaktili ónim alyndy. Tekserý aıasynda «Chanel», «Apple», «Zepter», «Levi`s», «Louis Vuitton», «Lego», «Puma», «Toyota», «Lexus», «Naýryz», «Assam», «Prachka» sııaqty belgili taýar tańbalary ıeleriniń quqyqtary qorǵaldy», – dedi Botagóz Jaqselekova.