Lotereıa men býkmeker keńseleri Ashyq júıesine engizilýi múmkin

NUR-SULTAN. QazAqparat – «Atameken» ulttyq kásipkerler palatasy basqarma tóraǵasynyń orynbasary ıÝlııa ıAkýpbaeva lotereıa men býkmeker keńselerin Ashyq júıesine engizý máselesi pysyqtalyp jatqanyn aıtty, dep habarlaıdy QazAqparat tilshisi.

«Óńirler boıynsha 5 myń qatysýshynyń qataryn tolyqtyrǵysy keletin nysandardan Ashyq qosymshasyna kirgizý týraly 1200-den astam ótinim tústi. 300-den astam qatysýshy jeńildiksiz erikti rejımde jumys istep jatyr. Olar: bilim berý ortalyqtarynyń, demalys úıleriniń, qonaq úılerdiń, medıtsınalyq ortalyqtardyń, stomatologııanyń nysandary. Saýda, oıyn-saýyq ortalyqtarynyń jeke dúńgirshekteri de bar. Qazir, sondaı-aq, Ashyq jobasyna qatysýshylardyń keńeıtilgen bazasyna lotereıa jáne býkmeker keńselerin engizý máselesin talqylap jatyrmyz», - dedi ıÝlııa ıAkýpbaeva.

«Atameken» ókiliniń málimeti boıynsha, Ashyq júıesinde jumysyn jaýapty uıymdastyrǵan nysandarǵa qosymsha qarastyrylyp otyr.

«Sanıtarlyq dárigerdiń 30 sáýirdegi qaýlysymen qatysýshylardyń tizimi aıtarlyqtaı keńeıgenin bilesizder. Qyzymetin jaýapty uıymdastyrǵan qatysýshylar qosymsha jeńildikter aldy. Mysaly, qoǵamdyq tamaqtaný nysandarynyń jumys ýaqyty 2 saǵatqa uzartyldy. Fýdkorttar, oblysaralyq týrıstik tasymaldar, kórmeler ashyldy, sporttyq is-sharalarǵa kórermenderdiń qatysýyna ruqsat etildi, bılıard klýbtary ashyldy», - dep tolyqtyrdy ıÝlııa ıAkýpbaeva.