Los-Andjeleste Kalıfornııa ormanyn órtedi degen kúdikke ilingen er adam qamaýǵa alyndy

<p>ASTANA. KAZINFORM &ndash; Kalıfornııanyń Kalabasas jáne Hıdden-Hılls qalalarynda tez taraǵan órtti ádeıi órteý deregi tergeý júrip jatyr, bir kúdikti qamaýǵa alyndy, dep habarlaıdy Kazinform agenttiginiń menshikti tilshisi&nbsp;<a href="https://www.dailymail.co.uk/news/article-14269289/arsonist-arrested-starting-la-kenneth-fire.html" target="_blank" rel="noopener">Daily Mail</a>-ge silteme jasap.</p>

«Kennet» órti Batys tóbeshikteri arqyly tez taralyp, Los-Andjeles aımaǵynda janyp jatqan «Palıseıds» jáne «Itonmen» birge úsh iri órttiń biri boldy.

Qaza tapqandar sany 10 adamǵa jetip, 10 myńnan astam ǵımarat qıraǵan.

Los-Andjeles polıtsııasy qasaqana órtedi degen kúdikke ilingen er adamnyń ustalǵanyn habarlady. Atap ótilgendeı, 911 nómirine jergilikti turǵyn telefon shalyp, saǵat 16:30-da 21700-shi kvartaldy órtemek bolǵan kúdikti er adam týraly habarlady. Kúdikti Výdlend-Hıllzta ustaldy. Ol 30 jastaǵy qańǵybas azamat bolyp shyqty.

Kúdikti polıtsııa bólimine jetkizildi. Qazirgi kezde polıtseıler qasaqana órteý týraly nusqany qarastyryp jatyr.

Sonymen qatar qylmys bolǵan jerge kirý órtke baılanysty jabyq bolǵandyqtan, tergeý áreketteri qıyndap ketti.

Aıta keteıik, Baıden Kalıfornııadaǵy órtti shtat tarıhyndaǵy eń joıqyn dep atady.