Los-Andjeleste 50 gradýsqa jýyq aptap ystyq tirkeldi

LOS-ANDJELES. QazAqparat – Výdlend-Hıllzda (AQSh, Los-Andjeles qalasynyń okrýgi) aýa temperatýrasy eń joǵary kórsetkishke 49.4 Tselsıı gradýsqa (Farengeıt boıynsha 121 gradýs) jetti, dep habarlaıdy QazAqparat tilshisi Los Angeles Times-qa silteme jasap.

AQSh-tyń ulttyq meteorologııalyq qyzmeti habarlaǵandaı, ótken jeksenbide aýa temperatýrasy Výdlend-Hıllz okrýginde 49,4 Tselsıı gradýsqa deıin kóterilip, rekordtyq kórsetkish tirkelgen. Osy kúnge deıingi eń ystyq aı 2006 jyldyń shildesi bolatyn. Ol kezde aýa temperatýrasy 48,3 Tselsııa gradýsqa deıin kóterilgen edi.

Sondaı-aq, Výdlend-Hıllzten basqa, bul kúni Kalıfornııa shtatyndaǵy Los-Andjeles qalasynyń basqa okrýgterinde de rekordtar jańartylǵan. Mysaly, Rıversaıd okrýginde aýa temperatýrasy 47,2 Tselsııa gradýsqa jetti, bul qyrkúıek aıyndaǵy eń joǵarǵy kórsetkish boldy. Kalıfornııa shtatyndaǵy Santa-Ana okrýginde aýa temperatýrasy 41,1 Tselsıı gradýsqa deıin kóterildi, bul – kúndizgi eń joǵary deńgeı.

Sondaı-aq, joǵary temperatýra Eskondıdo (46,1 Tselsıı gradýs), Paso Roblsb (47,2), Aıdılýaıld (40) jáne Chıno (49,4) qalalarynda baıqaldy.

Shtattyń basym bóliginde joǵary temperatýra saqtalatyny atap ótildi. Degenmen, dúısenbiden bastap aýa temperatýrasy 10 gradýsqa tómendeıdi.

Shtat ákimshiligi turǵyndarǵa aptap ystyqqa baılanysty elektr qýatynyń óshýi múmkin ekenin eskertti. Kalıfornııa elektr jelisiniń operatory (California Independent System Operator) tótenshe jaǵdaıdyń 2-kezeńin jarııalady jáne jeksenbide elektr qýatyn qaıta óshiriletini týraly habarlady.