Lord Výlf Kennet «Bolashaq» arqyly qazaqstandyq sýdıalardy Ulybrıtanııada oqytýǵa járdemdespek

ASTANA. QazAqparat - Qaırat Mámı Ulybrıtanııanyń eks-Joǵarǵy sýdıasy lord Výlfpen kezdesti. Іs-shara lord Výlftyń «Astana» halyqaralyq qarjy ortalyǵyna sapary sheńberinde ótti, dep habarlaıdy Joǵary Sottyń baspasóz qyzmeti.

Kezdesý barysynda Q. Mámı Výlf myrzaǵa Elbasynyń bastamasymen Ult Jospary sheńberindegi sot júıesin reformalaý baǵytyndaǵy júrgizilgen jumyspen tanystyrdy.

«Qazaqstan bıznes pen eldiń ınvestıtsııalyq tartylymdylyqty arttyrý úshin qolaıly jaǵdaılar jasaýǵa asa mán berip otyr. Astanada EKSPO - 2017 ınfraqurylymynyń bazasynda «Astana» halyqaralyq qarjy ortalyǵy (AIFC)  qurylýda. Ol jeńildetilgen salyq rejımimen aǵylshyn quqyǵy qaǵıdattary jáne normalaryna jáne álemdik jetekshi qarjy ortalyqtarynyń standarttaryna negizdeletin bolady», - dep atap ótti Qazaqstannyń Joǵarǵy Sotynyń tóraǵasy.

Sheteldik meımandar quramyna AQSh, Ulybrıtanııa, Germanııa jáne Koreıanyń jetekshi zańgerleri men ǵalymdary kiretin Joǵarǵy Sot janyndaǵy Halyqaralyq keńestiń jumysy týraly habardar boldy. Keńes sot-quqyqtyq reformalardy júrgizýge konsýltatıv turǵyda qoldaý kórsetýde.

Meıman «Astana» qarjylyq ortalyqtyń negizinde quzyrettiligi eldegi dástúrli sottan ózgeshelenetin arnaıy sotty qurý «memlekettiń jetilý týraly kýálandyratyn erekshe tásildeme» dep atady. Mundaı qadam, Výlf pikiri boıynsha Qazaqstanda qyzmet etetin sheteldik kompanııalarǵa eldiń dostastyǵyna jáne sottyń táýelsizdigine senimdiligin kúsheıtedi, onyń ınvestıtsııalyq tartymdylyǵynyń ósýine yqpal etedi. Ulybrıtanııanyń Joǵarǵy sýdıasy óziniń Dýbaı, Gonkong jáne Katardaǵy uqsas sottardyń qalyptasýyna jáne jumysyna qatysý tájirıbesimen bólisti.

Sonymen qatar, Lord Výlf Ulybrıtanııanyń joǵarǵy sot satylarynda qarastyrý úshin isterdi irikteý qandaı krıterııler boıynsha iske asyrylatyny jáne aǵylshyn sottarynyń sot tájirıbesindegi ádilettilik qaǵıdatyn qoldaný tásilderi týraly aıtty. Sheteldik meımandar «sýdıalardyń sýdıalarmen oqytylýynan artyqtyń joqtyǵyn» bildire otyryp,  «Bolashaq» baǵdarlamasy sheńberinde qazaqstandyq sýdıalardyń Ulybrıtanııada bilim alýda járdemdesýine ázirligin bildirdi.

Kezdesý qorytyndysynda taraptar daýlardy sheshýde alternatıvti ádisteriniń damýy týraly pikirlerimen almasty jáne Qazaqstan men Ulybrıtanııa sot júıesiniń arasyndaǵy ózara yntymaqtastyqty odan ári damytýǵa nıet ekendikterin bildirdi.