Londondaǵy Bıg-Ben saǵaty toqtap qaldy

LONDON. QazAqparat – Ulybrıtanııanyń basty sımvoldarynyń biri – Bıg Ben munarasyndaǵy saǵat tehnıkalyq aqaýlarǵa baılanysty toqtap qaldy, dep habarlaıdy QazAqparat tilshisi Political Lore-ge silteme jasap.

«Búgin Elızaveta munarasyndaǵy saǵattyń tili ýaqytty durys kórsetpeı turǵanyn baıqaǵan bolarsyz. Saǵattyń negizgi komponentterin jóndeý úshin onyń jumysyn toqtatýǵa týra keldi», - delingen Brıtanııa Parlamentiniń Twitter-degi resmı paraqshasynda.

Saǵat kóp uzamaı qaıta iske qosylady dep josparlanyp otyr.

Bıiktigi 96 metrlik Vestmınster saraıynyń saǵat munarasyn 1856 jyly aǵylshyn sáýletshisi Avgýst Pýgın salǵan. Munara Vıktorııa dáýiriniń eskertkishi sanalady jáne ıÝNESKO-nyń búkilálemdik muralar tizimine engizilgen.

Salmaǵy 13,7 tonna bolatyn Bıg-Ben qońyraýy ár saǵat saıyn, al qosymsha qońyraýlary ár 15 mınýt saıyn soǵylady. 157 jyl boıy qońyraý úzilissiz derlik jumys istep keldi.

Degenmen, 2017-2021 jyldar aralyǵynda Bıg-Bendegi saǵatqa jóndeý júrgizildi. Munaraǵa jedelsaty ornatylyp, saǵattyń betine dıod jaryqtary ilindi, al mehanızmi qalpyna keltirildi.

Foto: www.politicallore.com