Londondaǵy Ázerbaıjan elshiliginiń ǵımaratyn radıkaldy dinı top basyp aldy

NUR-SULTAN. QazAqparat –4 tamyzda Ázerbaıjan Respýblıkasynyń Ulybrıtanııa jáne Soltústik Irlandııa Birikken Koroldigindegi elshilik ǵımaratyn radıkaldy dinı top basyp aldy. Bul týraly QazAqparat AZERTADJ agenttigine silteme jasap habarlaıdy.

Syrtqy ister mınıstrligi baspasóz qyzmetiniń málimetine sáıkes, radıkaldy dinı top músheleri elshilik ǵımaratyna basa-kóktep kirgen. Olar ǵımarat balkonynda dinı týlar kóterip, radıkaldy dinı urandar aıtqan. Top múshelerin jergilikti polıtsııa nysannan shyǵaryp, qamaýǵa aldy.

«Oqıǵa kezinde elshilik qyzmetkerleri zardap shekken joq. Jergilikti quqyq qorǵaý organdary tergeý júrgizip jatyr. Ony nátıjeleri týraly qosymsha aqparat beriledi.

Ulybrıtanııa qurylymdarynyń nazaryna dıplomatııalyq arnalar arqyly Vena konventsııasyna sáıkes dıplomattar men dıplomatııalyq ǵımarattar qaýipsizdigine qatysty eskertý jiberildi».

Foto: azertag.az