Londondaǵy saılaý ýchaskesinde respýblıkalyq referendýmǵa daıyndyq jumystary júrip jatyr

<p>ASTANA. KAZINFORM - Qazaqstanda AES salý máselesi boıynsha 6-qazanda ótetin respýblıkalyq referendým Ulybrıtanııada keshteý bastalyp, keshirek aıaqtalady. Óıtkeni London Astana ýaqytymen salystyrǵanda 4 saǵat artta, dep habarlaıdy Kazinform-nyń menshikti tilshisi.</p>

№376 saılaý ýchaskesi Qazaqstannyń Ulybrıtanııadaǵy elshiliginiń ǵımaratynda ornalasqan. Onyń ishine referendým týraly aqparat jazylǵan taqta jáne daýys berý jáshigi qoıylady. Komıssııa músheleri erejelerdiń tolyq saqtalýyn qamtamasyz etedi.

Buǵan deıingi tájirıbege súıensek daýys berýshilerdiń sany tańerteńgi ýaqytqa qaraǵanda túske taman artady. Óıtkeni Ulybrıtanııanyń túkpir-túkpirinen jınalǵan qazaqstandyqtar Londonǵa sol ýaqytqa qaraı jetedi.

Referendýmǵa qatysýshylardyń basym kópshiligi stýdentter qaýymy bolady degen boljam bar. Óıtkeni, ádette, olardyń belsendiligi óte joǵary. Stýdentterden bólek Ulybrıtanııada jumys babymen ýaqytsha turyp jatqan otandastarymyz jáne osynda saıahattap júrgen týrıster de azamattyq mindetin oryndaý úshin saılaý ýcheskesinde boı kórsetedi.

«Respýblıkalyq referendýmǵa daıyndyq jumystary júrip jatyr. Redaktsııalyq tapsyrmasy bar akkredıttelgen jýrnalısterge mańyzdy sharany aqparattandyrýǵa tolyq jaǵdaı jasalady»,- deıdi №376 saılaý ýchaskesi komıssııasynyń tóraǵasy Rýslan Karabýlov.

Ýchaske jergilikti ýaqyt boıynsha tańerteń 7-de ashylyp, daýys berý keshki 8-ge deıin jalǵasady. Odan keıin saılaý komıssııasynyń músheleri daýystardy sanaý protsesine kirisedi.