Londonda tarıhı ǵımarat kók baıraq túsine boıaldy
Ulybrıtanııanyń basty aýdany Trafalgar alańy janynda ornalasqan tarıhı ǵımarattyń boı kótergenine bir ǵasyrdan astam ýaqyt bolǵan. Qazir munda Qazaqstan Respýblıkasynyń elshiligi jumys isteıdi. Kazakhstan House degen mańdaıshasy bar nysannyń janynan kúnbe-kún mıllıondaǵan týrıster men jergilikti turǵyndar ótedi. Táýelsizdik kúni keshinde Londonda ýaqytsha turyp jatqan qazaqstandyqtar da ǵımarat janynda jınalyp, ulttyq ánuranymyzdy oryndady.
«Osy mereke-toımen quttyqtaǵym keledi. Aman bolyńyzdar, saý bolyńyzdar. Mereke qutty bolsyn. Alǵa, Qazaqstan!», deıdi «Bolashaq» baǵdarlamasymen Kıngs Kolledj ýnıversıtetinde sot-medıtsınalyq saraptama mamandyǵy boıynsha taǵylymdamadan ótip jatqan stýdent Ázız Ibrahımov.
«Men alǵa, Qazaqstan degim keledi. Halyqqa barlyq jaqsylyqtardy tileımin. Bul óte jaqsy bastama. Men Qazaqstandy qoldaımyn!» deıdi kóshe júrginsheleriniń biri Adam Smıt.