Londonda Semeı polıgony týraly «Jel soǵatyn jerde» fılmi kórsetildi
Atalǵan jıynǵa QR Tuńǵysh Prezıdenti – Elbasy Qorynyń Ulybrıtanııadaǵy ókildigi atalǵan eldiń jetekshi ǵylymı-zertteý ortalyqtarynyń ókilderi, Qazaqstan, Ulybrıtanııa elderiniń sarapshylary jáne akademııalyq orta ókilderiniń qatysty.
Bıylǵy jyldyń 29 tamyzynda Halyqaralyq ıadrolyq synaqtarǵa qarsy is-qımyl kúni aıasynda Qazaqstan astanasynda Nazarbaevtyń Beıbitshilik syılyǵyn tapsyrý rásimi ótkizilgen edi. Іs-shara barysynda N.Á. Nazarbaev ıadrolyq qarýdy taratpaý jáne qarýsyzdandyrý týraly jahandyq qaýipsizdik pen senimdi nyǵaıtýǵa baǵyttalǵan birqatar jańa tezıster keltirdi.
Qordyń Londondaǵy ókildiginiń qoldaýymen ótkizilgen is-shara barysynda bedeldi brıtandyq saraptama ortalyqtarynyń sarapshylary, Kembrıdj, Oksford, Lafboro ýnıversıtetteri, London ekonomıka jáne saıasattaný mektebiniń professorlary osy bastamalardyń búgingi ýaqytta ózekti ekenin belgilep, sonymen qatar beıbitshilik jáne qarýsyzdaný ıdeıalaryn nasıhattaýda Qazaqstannyń jahandyq kóshbasshylyǵyn atap ótti.
Qatysýshylarǵa Elbasy N.Á. Nazarbaevtyń ıadrolyq qarýdy taratpaý jáne qarýsyzdandyrý salasyndaǵy beıbit bastamalarynyń retrospektıvalaryn QR Tuńǵysh Prezıdenti qorynyń Ulybrıtanııadaǵy ókili Ǵanı Bekenov jáne belgili qazaqstandyq sýretshi, ıadrolyq qarýsyz álem úshin belsendi, ATOM jobasynyń qurmetti elshisi Káripbek Kúıikov usyndy.
K.Kúıikov Ulybrıtanııa parlamentinde ıadrolyq qarýǵa qarsy sýretter kórmesi ashty, sonymen qatar Manchester jáne Edınbýrg qalalarynda kezdesýler men is-sharalar ótkizdi. K. Kúıikovtyń pikirinshe kóptegen jyldar boıy radıoaktıvti synaqtardan zardap shekken Qazaqstan halqy beıbitshilik pen jasampazdyqqa degen umtylysyn joǵaltqan joq jáne jappaı qyryp-joıý qarýyn qabyldamaý baǵytynda barsha adamzatqa úlgi.
Dóńgelek ústel aıasynda tanymal brıtandyq rejısser A. Sıngerdiń Qazaqstandaǵy ıadrolyq synaq jarylystarynyń zardaptary men N.Á. Nazarbaevtyń memleketimizdiń táýelsizdigi tańyndaǵy Semeı polıgonyndaǵy synaqtardy ótkizýge tyıym salý jáne jabý týraly tarıhı sheshimi jaıynda «Jel soǵatyn jerde» («Where the Wind Blew») fılminiń kórsetilimi ótti.