Londonda Palestınany jaqtaǵan sherý kezinde 100-den astam adam ustaldy

<p>London polıtsııasy senbi kúni 100-den astam adamdy qamaýǵa aldy. Olardyń basym kópshiligi &ndash; Palestınaǵa qoldaý kórsetken sherýshilerge shabýyl jasaýdy josparlaǵan ásire ońshyl toptardyń músheleri, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Bir kún buryn ásire ońshyl toptar óz jaqtastaryn qarsy demonstratsııaǵa qatysýǵa shaqyrdy. Senbi kúni London ortalyǵynda ultshyldar men fýtbol buzaqylary, quqyq qorǵaý organdary qyzmetkerleri arasynda qaqtyǵystar boldy.

Polıtsııanyń boljamy boıynsha Palestınany qoldaý sherýine 300 myńǵa jýyq adam qatysty. Al narazylyq aktsııasyn uıymdastyrýshylar London kóshelerine 800 myń adamdy jınaǵanyn alǵa tartady.

Bul jolǵy besinshi ret ótkizilip jatqan Palestınany qoldaý sherýi Birinshi dúnıejúzilik soǵystyń soǵys qımyldaryn aıaqtaǵan Kompendik bitimge qol qoıylǵan kún - qaza tapqandardy eske alý kúnimen tuspa-tus keldi.

London polıtsııasy premer-mınıstrdiń, ishki ister mınıstri men birqatar brıtandyq saıasatkerlerdiń soǵys eskertkishteriniń qorlanýynan jáne tártipsizdiktiń bastalýynan qaýiptengenine qaramastan, sherýge tyıym salǵan joq.

Sherý Gaıd-parkten bastalyp, ortalyq áskerı eskertkishteri mańynan ótti. Uıymdastyrýshylar sherýdiń sońy retinde AQSh elshiligi ǵımaratynyń janynan tańdady. Senbi kúni tártipti saqtaý úshin Londonda 2000 polıtsııa qyzmetkeri kezekshilikte boldy.