Londonda myńdaǵan adam Palestınany qoldap sherýge shyǵady

<p>11 qarasha kúni Londonda Gaza sektoryndaǵy atysty tez arada toqtatýǵa úndeıtin Palestınany qoldaý marshy ótedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń tilshisi.&nbsp;</p>

Bul jolǵy narazylyq sharasy Birinshi dúnıejúzilik soǵys kezindegi soǵys qımyldaryn toqtatqan Kompen bitimine qol qoıylǵan kún – Qaza tapqandardy eske alý kúnimen tuspa-tus kelip otyr.

Ulybrıtanııanyń premer-mınıstri, Іshki ister mınıstri men birqatar brıtandyq saıasatkerlerdiń soǵys eskertkishteriniń qorlanýynan jáne tártipsizdikterdiń bolýynan qaýiptengenine qaramastan, London polıtsııasy sherýge tyıym salǵan joq.

Uıymdastyrýshylardyń málimdeýinshe, narazylyq sharasy ortalyq soǵys eskertkishterinen alys jerde ótedi jáne elde jalpyulttyq únsizdik mınýty jarııalanǵannan soń, saǵat 11:00-den keıin bastalady.

Sherý Gaıd-parkten bastalyp, AQSh elshiliginiń janynda aıaqtalady. Narazylyq sharasyna 70 myńnan astam adam qatysady dep josparlanyp otyr. Birqatar tym ońshyl toptar óz jaqtastaryn senbi kúni kontrdemonstratsııaǵa shyǵýǵa shaqyrdy.