Londonda Kúrdistan jumysshy partııasymen baılanysy bar degen kúdikpen alty adam ustaldy

<p>ASTANA.KAZINFORM - Sársenbi kúni Londonda polıtsııanyń terrorızmge qarsy qolbasshylyǵy &laquo;Kúrdistan jumysshy partııasy&raquo; tobymen baılanysy bar degen kúdikpen alty adamdy qamaýǵa aldy.</p>

— London polıtsııasy búgin tańerteń ártúrli mekenjaıdan 59 jastaǵy áıel, 27 jastaǵy er adam, 31 jastaǵy áıel, 62, 56 jáne 23 jastaǵy er adamdy ustady, — delingen polıtsııa habarlamasynda.

Olar Ulybrıtanııanyń Terrorızm týraly zańynyń 41(1) bólimine sáıkes ustaldy, bul quqyq qorǵaý organdaryna terrorızmge kúdiktilerdi ordersiz ustaýǵa múmkindik beredi.

Ustalǵandardyń barlyǵy qamaýda.

London polıtsııasynyń lańkestikke qarsy qolbasshylyq tobynyń jetekshisi Helen Flanagannyń aıtýynsha, qamaýǵa alý Ulybrıtanııadaǵy zańsyz «Kúrdistan jumysshy partııasymen» baılanysty áreketterdi anyqtaýǵa baǵyttalǵan aýqymdy tergeýdiń nátıjesi.