Londonda qoıylǵan Benksı graffıtıin bir saǵattan soń urlap ketti

<p>Eki er adam strıt-art sýretshi Benksıdiń jumysyn avtorlyǵyn rastaǵannan keıin bir saǵattan soń urlap ketti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.&nbsp;</p>

Londonnyń ońtústiginde jańa graffıtı paıda bolǵany týraly juma 12:00-de belgili boldy. Onda segizburyshty STOP jol belgisiniń ústinde ushyp bara jatqan úsh áskerı dron beınelengen.

Buzaqylar Benksı avtorlyǵyn rastaǵannan keıin shamamen jarty saǵattan soń graffıtı turǵan jerge kelgen. Ketip bara jatqan adamdar urlyq ústinen túsip, beınerolıkti ınternetke júktegen.

Benksı jumysynyń maǵynasyn túsindirmegenimen, kópshilik ony Gaza sektoryna áýeden soqqy jasaýdy toqtatýǵa shaqyrý dep uqty.

Sýretshiniń týyndylary talaı márte aýktsıondarda júz myńdaǵan jáne mıllıondaǵan dollarǵa satylǵan. Degenmen Benksıdiń urlanǵan jumysyn álemge tanymaldyǵy men urlaýdan týyndaǵan rezonans saldarynan satý ońaıǵa soqpaıdy.

Byltyr frantsııalyq sot sýretshiniń 2015 jylǵy parıjdik Bataclan kontsert zalyndaǵy lańkestik áreket qurbandaryna arnaǵan graffıtıin urlaǵany úshin segiz adamdy aıypty dep tanydy.