Londonda Qazaqstannyń ınvestıtsııalyq áleýeti tanystyryldy

<p>LONDON. KAZINFORM - &ldquo;Astana&rdquo; halyqaralyq qarjy ortalyǵy Londonda sheteldik ınvestorlardyń basyn qosty. Maqsat - Qazaqstannyń ınvestıtsııalyq múmkindikteri týraly aıtyp berý. Elimizdegi qarjy naryǵyn odan ári tartymdy etý úshin ne isteý kerektigin bilý, dep habarlaıdy <a href="https://kaz.inform.kz/" target="_blank" rel="noopener">Kazinform</a>-nyń sol eldegi menshikti tilshisi Ǵalymjan Qaramanuly.</p>

Jahandyq geosaıası jaǵdaı ınvestorlarǵa halyqaralyq naryqtarǵa shyǵýdy qıyndatty. Bıznes qaýymdastyq kásibin dóńgeletý úshin jańa baǵyttar izdeýge májbúr. Al Qazaqstan Eýrazııa qurlyǵynyń kindiginde ornalasqan.

Bizdiń el arqyly Eýrazııa ekonomıkalyq odaǵy men Qytaı jáne Kaspıı óńiri elderine tikeleı shyǵýǵa bolady.

«Astana» halyqaralyq qarjy ortalyǵy iri ınfraqurylymdyq jobalardy júzege asyrýǵa mol múmkindik berip otyr.

Foto: Ǵalymjan Qaramanuly/Kazinform

«Bastapqyda, 2022 jyly, árıne, kóptegen ınvestorlar oılanyp qaldy. ıAǵnı, bizdiń aımaqta jaǵdaı qalaı damıtyndyǵyna kúmánmen qarady. Biraq biz saıası-ekonomıkalyq reformalardy jalǵastyryp jatqanymyzdy, ashyqtyǵymyzdy kórsettik. Soǵan baılanysty syrtqy tikeleı ınvestıtsııalar sol jyly rekordtyq deńgeıdi kórsetti», — deıdi «Astana» halyqaralyq qarjy ortalyǵynyń basqarýshysy Renat Bekturov. 

Buǵan deıingi tanystyrylym Londonda 5 jyl buryn ótipti. 

«Odan beri ortalyq jumysy nyǵaıdy. Birshama tabysty joba júzege asyryldy. Álemniń eń iri qarjy ortalyqtarynyń birinde ótkizilip jatqan sharaǵa Qazaqstanǵa ınvestıtsııalaý múmkindikteri týraly bilgisi keletin jurtshylyqtyń kóptep jınalýy qýantady», — deıdi Qazaqstannyń Ulybrıtanııadaǵy elshisi Maǵjan Іlııasov. 

Foto: Ǵalymjan Qaramanuly/Kazinform

Tanystyrylymǵa 70-teı halyqaralyq, ınvestıtsııalyq bankten, qarjy-konsaltıngtik kompanııasynan, zań fırmasynan 120-ǵa jýyq ókil keldi.

Olar ortalyqtyń óńirdegi qarjy sektoryn jetildirýdegi rólin talqylady.

Qazaqstandaǵy aktsıonerlik jáne boryshtyq kapıtal naryǵyn damytý boıynsha óz oıyn ortaǵa saldy.

Aıta ketý kerek ortalyq bırjasy iske qosylǵaly beri tartylǵan boryshtyq kapıtaldyń jalpy kólemi 4 mlrd dollardan asady, úlestik kapıtal 365 mln-ǵa jetip otyr.

Foto: Ǵalymjan Qaramanuly/Kazinform

«Álemdegi eń iri kastodıan bankter „Astana“ halyqaralyq qarjy ortalyǵy bırjasynyń depozıtarlyq klıentine aınaldy. Sheteldik jáne qazaqstandyq ınvestorlar saýda jasaı alatyn ıntegratsııalanǵan kapıtal naryǵy quryldy. Budan bólek bıýrokratııanyń joqtyǵy, salyqtyq jeńildikter ortalyqtyń tartymdylyǵyn arttyryp otyr», — deıdi Wood& Company ınvestıtsııalyq bankiniń bólim basshysy Nık Kaýfmann. 

Polymetal International PLC kompanııasynyń dırektory Evgenıı Monahov Qolaıly bıznes orta jasap bergen áriptesterine rızashylyǵyn bildirdi.  

Foto: Ǵalymjan Qaramanuly/Kazinform

«Biz Qazaqstanǵa zańdy túrde ótken jyldyń tamyzynda kóship keldik. Ázirge bári unap jatyr. Biz kúrdeli geosaıası jaǵdaıda janǵa jaıly meken tapqanymyzǵa óte qýanyshtymyz», — deıdi Polymetal International PLC kompanııasynyń dırektory Evgenıı Monahov. 

«Astana» halyqaralyq qarjy ortalyǵy ashylǵaly beri Qazaqstan ekonomıkasyna 11 mlrd dollarǵa jýyq qarajat tartylǵan.

Onyń shamamen 40 paıyzy ortalyq bırjasy arqyly júzege asty.

Ótken jyldyń qarashasynda bırjada saýda-sattyqtyń 61 paıyzyn sheteldik ınvestorlar jasaǵan.