Londonda «Kazakhstan House» ashyldy

LONDON. QazAqparat - Vestmınster Lord-Meriniń sheshimimen endi Londondaǵy Qazaqstan Elshiliginiń ǵımaraty resmı túrde Kazakhstan House dep atalady, dep habarlaıdy QazAqparat Qazaqstan Syrtqy ister mınıstrliginiń resmı Telegram-kanalyna silteme jasap.

Bul ataý barlyq resmı qujattarda, qala karasynda jáne basqa da taspalarda kórinis tabatyn bolady. Tolyq mekenjaıy mynadaı: Embassy of the Republic of Kazakhstan Kazakhstan House 125 Pall Mall, London SW1Y 5EA

Qazirgi tańda Londondaǵy sheteldik Elshilikter arasynda óz elderimen atalatyn dıplomatııalyq mıssııa ǵımarattarynyń sany óte az. Olar - Birikken Koroldikpen erekshe qarym-qatynasqa ıe memleketterdiń dıplomatııalyq ókildikteri.

«Basty memlekettik mereke qarsańynda osyndaı mártebege ıe bolý qýanyshty jaǵdaı. Bul Qazaqstan men Ulybrıtanııa arasyndaǵy strategııalyq seriktestikti odan ári nyǵaıtady. Bizdiń Elshiliktiń ǵımaraty qaladaǵy kórikti jerlerdiń - Trafalgar Square men Leicester Square aralyǵynda ornalasqan. Sáıkesinshe, bul okrýgte túrli elderden keletin týrıster óte kóp. Kazakhstan House jazbasy Haymarket-ten de, Pall Mall-dan da, Cockspur Street-ten de jaqsy kórinedi», - delingen habarlamada.