Londonda Benksıdiń jańa týyndysy paıda boldy

<p>ASTANA. KAZINFORM &ndash; Benksı jeksenbi kúni Londonnyń soltústiginde paıda bolǵan jańa kartınanyń avtory ózi ekenin rastady, dep habarlaıdy&nbsp;<a href="https://www.bbc.com/russian/articles/c51549gglq4o" target="_blank" rel="noopener">VVS.</a>&nbsp;</p>

Dúısenbi kúni kóshe sýretshisi ádettegideı áleýmettik jelide Fınsberı saıabaǵy qabyrǵasynyń aldynda jumys istegenge deıingi jáne odan keıingi fotosýretterdi jarııalady.

Aralanǵan úlken aǵashtyń artynda qabyrǵaǵa japyraqqa uqsas jasyl massa boıalǵan, al onyń janynda sý quıatyn shlang ustaǵan adamnyń beınesi bar.

VVS-degi «Benksı hıkaıasy» serıalynyń avtory Djeıms Pık bul týraly estigen boıda týyndyny kórýge barǵan.

«Eger siz onyń shyǵarmashylyǵynyń basyna úńilseńiz, ol árqashan az kúsh jumsap, ony shynymen keremet etip kórsetýge bolatyn nárseni izdedi», — dedi ol.

Onyń aıtýynsha, qabyrǵaǵa boıaý jaǵý úshin qubyrshek nemese órt sóndirgish qoldanylǵan bolýy múmkin. Adamnyń beınesi de osyny ańǵartady.

Boıaý túsi Islıngton aýdany keńesiniń kóshe belgileri úshin qoldanatyn túske sáıkes keledi. Pıktiń aıtýynsha, bul Bensıdiń jumysynyń egjeı-tegjeıine nazar aýdaratynyn kórsetedi.

Foto: JAMES PEAK/THE BANKSY STORY

«Qazir kóktem mezgili, bul aǵash búrshik jarype, japyraqtaryn shyǵarýy kerek, biraq Bensı velosıpedpen ótip, onyń jaman kórinip turǵanyn oılaǵan bolýy kerek», — dedi ol.

Jergilikti turǵyndar art-nysannyń sýretterin áleýmettik jelilerge jarııalap, qasyna sýretke túse bastady.

«Benksı bir túnde paıda boldy, endi meniń páterimniń jaldaý aqysy eseledi», — dep jazady bir turǵyn.

Vandja Sellerstiń aıtýynsha, bul — turǵyndarǵa jeke habarlama sııaqty.

«Biz ony maqtan tutamyz», — deıdi kórshi kóshede turatyn Vandja Sellers.