London ortalyǵynda Dımashtyń shoýy jarnamalanýda
09:43, 07 Qarasha 2018
ASTANA. QazAqparat - London ortalyǵyndaǵy ekrandarda qazaqstandyq ánshi Dımash Qudaıbergenniń kontsertin jarnamalanyp jatyr, dep habarlaıdy QazAqparat.
«Jasasyn! Londonda, qalanyń ortalyǵynda Dımash Qudaıbergenniń osy jyldyń 19 qarashasynda ótetin jeke kontsertiniń jarnamasy shyqty», - dep jazady ánshiniń polıak fan-klýbynyń ókili Tereza Konkol Instagramdaǵy paraqshasynda.
Eske sala keteıik, 19 qarasha kúni Londaǵy áıgili «Royal Festival Hall» zalynda Qazaqstannyń Ulybrıtanııadaǵy Mádenıet kúnderi aıasynda Dımash Qudaıbergenniń jeke kontserti bolady. Shara QR Mádenıet jáne sport mınıstrliginiń jáne Qazaqstan Respýblıkasynyń Ulybrıtanııa jáne Soltústik Irlandııa Birikken Koroldigindegi Elshiliginiń qoldaýymen ótkizilmek. Kontsertten jınalǵan qarajat Qazaqstandaǵy jas daryn ıelerin qoldaýǵa jiberiledi.