LONDON OLIMPIADASY: Tumandy Albıonda semserlesýden úsh sportshyǵa úmit artyp otyrmyz

ASTANA. 10 maýsym. QazAqparat - Bıylǵy jyldyń basty oqıǵasy - Ulybrıtanııa astanasy Londonda ótetin HHH jazǵy olımpıadasy oıyndarynyń bastalýyna 46  kún qaldy.

 «QazAqparat» agenttigi dástúrli túrde aptanyń ár jeksenbisinde osy aıtýly sporttyq sharada Qazaqstannyń namysyn qorǵaıtyn sportshylardy tanystyrýdy jalǵastyrady. Osy joly semserlesýden ulttyq quramanyń músheleri jaıynda málimetterdi aıtpaqpyz.

 Jazǵy Olıpıada oıyndarynda semserlesý alǵash ret Afınyda 1896 jyly paıda boldy jáne osydan keıin bul sport túri barlyq oıyndarda qamtyla bastady. Alǵashynda jarystar tek erler arasynda ótip júrdi. Keıinnen, ıaǵnı 1924 jyly Parıjdegi jazǵy Olımpıada oıyndarynda áıelder arasynda da semserlesýden tartystar bastaldy. Bul sport túrinen nagradalardyń 10 jıyntyǵy sarapqa salynady.

 Sonymen, Tumandy Albıondaǵy aıtýly dodadaǵa semserlesýden Qazaqstan namysyn úsh sportshy qorǵaıtyn bolady.  Olar: Elmır Álimjanov pen Dmıtrıı Aleksanın jáne ıÝlııa Jıvıtsa.

   Elmır Álimjanov - ol ulttyq komandanyń kóshbasshysy. Elmır 1986 jyly 5 qazanda Almatyda dúnıege kelgen. Onyń ata-anasy balasynyń osy sport túrin túrin tańdaǵanyn qalaǵan eken. Olımpıadalyq joldamany ol Estonııada ótken Álem kýbogi kezeńinde úshinshi oryndy enshilep, qajetti upaı sanyn jınaǵanda jeńip aldy. Bas jattyqtyrýshy Vılor Mıhaılovıch Dıaokokınniń aıtýynsha, Elmır aldyna qoıylǵan maqsattardy júz paıyzǵa oryndady.

  «Jyl basynda biz tórt olımpıadalyq joldamany ıelenýdi kózdegen edik. Osy turǵyda Elmır ózin maqsatty sportshy retinde kórsete aldy. Ol óte kóp daıyndalyp, jattyǵyp júrdi. Jańa kezeńdi jaqsy kórsetkishtermen bastaýǵa Elmır qaýqarly boldy.  Álem kýbogi kezeńderinde, Azııa chempıonatynda, sondaı-aq 2011 jyldaǵy Álem chempıonatyndaǵy saıystardaǵy tartystary Elmırge Olımpıadaǵa aıaq basýǵa ótý balyn jınaýǵa múmkindik berdi. Ol óte maqsatty, tabandylyq tanyta alatyn qabiletti sportshy. Sondyqtan da ol óziniń maqsatyn 100 paıyzǵa oryndaı aldy», - dedi jattyqtyrýshy.

Dmıtrıı Aleksanınge toqtalatyn bolsaq, ol ótken jyly jasóspirimder arasynda jarysqa shyǵyp júrgen bolatyn. Almatylyq Dmıtrıı qazirgi kezde 19 jasta. On jasynda oǵan birinshi jattyqtyrýshysy Valerıı Dımov semserdi syıǵa tartqan eken. Búginde ol óz ómirinde bul sportty mańyzdy dep sanaıdy. Dmıtrıı Parıjdegi Álem kýboginiń  kezeńinde «A» sanatyndaǵy jeke saıystarda qola medaldi ıelenip, Olımpıada oıyndaryna joldamany qamtamasyz etti. Komanda jattyqtyrýshysynyń sózinshe, Dmıtrıı talantty sportshy jáne jeńis jolynda múmkindikteri zor.

  «Semserlesetinderdiń júıesine toqtalatyn bolsaq, biz belgili bir upaı sanyn Álem chempıonatynda, Azııa chempıonatynda, Álem kýbogi kezeńderinde jınaımyz. Ótý upaıyn jınaǵan sportshylar Olıpıadaǵa barýǵa múmkindik alady. Men osy oraıda Dmıtrııdiń  jas sportshy retinde Olımpıada oıyndaryna qatysýy úlken jetistik dep aıtar edim», -dedi V. Dıaokokın.

  Londondaǵy aıtýly saıysqa semserlesýden baratyndardyń úshtigindegi ıÝlııa Jevıtsa 22 jasta. Ol  Azııa chempıony atanǵan jáne 2010 jyldaǵy Azııa oıyndarynyń qola júldegeri. Olımpıadalyq joldamaǵa ıÝlııa Japonııada ótken biliktilik týrnırinde jeńimpaz atanyp, qol jetkizdi.

  «Ol ár týrnırge tyńǵylyqty daıyndalady. Osy daıyndyqtardyń arqasynda ol Japonııada laıyqty deńgeıde saıysqa túse aldy. Atap aıtqanda, osynda birinshi oryndy ıelenip, Londonǵa baratyndardyń sapyna qosyldy. ıÝlııa óte jas sportshy jáne onyń sporttyq belesterdi alýǵa múmkindikteri zor. Biz onyń Olımpıadada laıyqty deńgeıde óner kórsetetinine úmittimiz», -dedi  Bas jattyqtyrýshy.

 Sonymen, osy sport túrinen Tumandy Albıonda synǵa túsetinderge Qazaqstan halqy úlken senim artyp otyr. Olımpıadadaǵy ár jeńisimiz elimizdiń mártebesin arttyra túsetini haq. Atap aıtqanda, «QazAqparat» agenttigi bizdiń sportshylarǵa aıtýly jeńister, Olımpıadalyq synda Qazaqstan týyn jelbiretýge bar kúsh-jigerin salýǵa qaýqarly bolsyn dep tileıdi.