Lombardtar eseptik tirkeýden ótýi úshin qujat tapsyrý merzimi ózgerdi
«Tótenshe jaǵdaıǵa jáne karantın kezeńinde qyzmetti júzege asyrýǵa tyıym salýǵa baılanysty agenttik mıkroqarjylyq qyzmetti júzege asyratyn uıymdardyń eseptik tirkeýden ótýi úshin qujattardy tapsyrý merzimderin respýblıkalyq mańyzy bar qalalarda jáne oblys ortalyqtarynda 2020 jylǵy 1 maýsymǵa deıin jáne basqa eldi mekender úshin 2020 jylǵy 15 maýsymǵa deıin aýystyrý týral sheshim qabyldady («Mıkroqarjylyq qyzmetti júzege asyratyn uıymdardyń qyzmetin retteý máseleleri boıynsha Qazaqstan Respýblıkasynyń keıbir normatıvtik quqyqtyq aktilerine ózgerister engizý týraly» Agenttik Basqarmasynyń 2020 jylǵy 30 sáýirdegi № 55 qaýlysy)» delingen habarlamada.
Osyǵan deıin eseptik tirkeýden ótý úshin qujattardy tapsyrý merzimi iri qalalar úshin 2020 jylǵy 1 mamyrǵa deıin jáne basqa óńirler úshin 2020 jylǵy 1 maýsymǵa deıin dep belgilengen.
«Qazaqstan Respýblıkasynyń keıbir zańnamalyq aktilerine qarjy naryǵyn retteý men damytý, mıkroqarjylyq qyzmet jne salyq salý máseleleri boıynsha ózgerister men tolyqtyrýlar engizý týraly» 2019 jylǵy 4 shildedegi Qazaqstan Respýblıkasynyń Zańyna sáıkes 2020 jylǵy 1 qańtardan bastap azamattarǵa qaryzdar beretin barlyq kredıtteý sýbektileriniń qyzmetin retteý engizildi. 2020 jylǵy 1 shildege deıin barlyq kórsetilgen sýbektiler, onyń ishinde lombardtar, kredıttik seriktestikter jáne onlaın-kredıtteý kompanııalary mıkroqarjylyq qyzmetti júzege asyratyn uıymdar retinde agenttikte eseptik tirkeýden ótýge tıis.
Jumys istep turǵan lombardtardyń jarǵylyq jáne menshikti kapıtalyna qoıylatyn talaptardy arttyrýdyń jańa kestesi agenttik basqarmasynyń qaýlysymen lombardtar úshin jarǵylyq jáne menshikti kapıtaldarǵa qoıylatyn jańa talaptardy belgileý merzimderi aýystyryldy.
Zańdy tulǵalar retinde 2020 jylǵy 1 qańtarǵa deıin tirkelgen, Nur-Sultan, Almaty, Shymkent qalalarynda nemese oblys ortalyqtarynda óz qyzmetin júzege asyratyn lombardtar úshin, jarǵylyq jáne menshikti kapıtaldardyń eń tómengi mólsheri 10 000 000 (on mıllıon) teńgeni, ózge óńirlerde 5 000 000 (bes mıllıon) teńgeni quraıdy.
Zańdy tulǵalar retinde 2020 jylǵy 1 qańtardan keıin tirkelgen, Nur-Sultan, Almaty, Shymkent qalalarynda nemese oblys ortalyqtarynda óz qyzmetin júzege asyratyn lombardtar úshin, jarǵylyq jáne menshikti kapıtaldardyń eń tómengi mólsheri 70 000 000 (jetpis mıllıon) teńgeni, ózge óńirlerde 30 000 000 (otyz mıllıon) teńgeni quraıdy.
Qaýlynyń tolyq mátini jáne Qaýlyǵa Qosymsha QR Qarjy naryǵyn retteý jáne damytý agenttiginiń www.finreg.kz resmı saıtynda, «Agenttiktiń NQA» degen bólimde ornalastyryldy.