Lokdaýnǵa oralýǵa májbúr bolamyz: Elordanyń bas sanıtar dárigeri turǵyndarǵa úndeý jasady
«Koronavırýs pandemııasyna baılanysty buqaralyq is-sharalar ótkizýdiń shektelýine oraı, bıyl qala meshitterinde merekelik Aıt namazy ótkizilmeıdi. Mundaı sharalar halyq arasynda koronavırýs ınfektsııasyn odan ári boldyrmaý úshin qabyldandy. Biz kún saıyn ınfektsııalyq jaǵdaıdyń kóptep tirkeletinin kóremiz. Barlyq turǵyndardy asa qajettiliksiz adam kóp jınalatyn oryndarǵa barmaýǵa shaqyramyn», - dedi spıker Nur-Sultan qalasy ákimdigindegi brıfıngte.
Sonymen birge, bas sanıtar dáriger aralasatyn adamdardyń qataryn shektep, úıge kisi shaqyrmaýǵa jáne qonaqqa barmaýǵa keńes berdi.
«Eger koronavırýs ınfektsııasynyń ósý dınamıkasy tómendemese, azamattar men kásipkerlik sýbektiler tarapynan qatań sanıtarlyq normalary saqtalmaıtyn bolsa, biz lokdaýnǵa oralýǵa májbúr bolamyz. Elordadaǵy epıdemıologııalyq jaǵdaı kóbine ózimizge baılanysty ekenin túsiný mańyzdy. Sondyqtan biz vaktsınalaý arqyly ǵana aýrýdyń ósýine qarsy tura alamyz. Vaktsınatsııa – eń aldymen, ózińiz aralasatyn jaqyndaryńyz ben jumys isteıtin adamdar aldyndaǵy, otbasy men týǵan-týys aldyndaǵy jaýapkershilik. Tek jappaı vaktsınalaý ǵana pandemııany jeńýge jáne qalypty ómirge oralýǵa kómektesetinin umytpaıyq», - dedi Sarhat Beısenova.