Lıvııada sý tasqyny boldy: 2 myńnan astam adam kóz jumǵan bolýy múmkin

TRIPOLI. QazAqparat – Lıvııanyń soltústik-shyǵysynda alapat sý tasqyny boldy. Derna qalasynda eki damba buzylyp, 33 mln tekshe metr sý eldi mekenge aǵyldy. QazAqparat bul týraly Euronews-ke silteme jasap habarlaıdy.

Lıvııa shyǵysynyń vıtse-premeri Ýsama Hammadtyń málimdeýinshe, sý tasqyny 2 myńnan astam adamnyń ómirin qıǵan bolýy múmkin. Myńdaǵan adam iz-túzsiz joǵalǵandar qatarynda.

Jerorta teńiziniń Lıvııa aýmaǵynyń jaǵalaýynda qatty jaýyn men naızaǵaı bolyp, onyń artynan «Danıel» tsıklony týyndady. Tsıklon sońy aýqymdy sý tasqynyna ulasty. Ásirese Derna qalasy zardap shekti, onda daýyldan eki damba buzylyp, saldarynan qalaǵa 33 mln tekshe metr sý aǵyldy. Sý turǵyn kvartaldardyń bir bóligin tolyǵymen basyp qalyp, ekinshi bóligi qurlyqtan ajyrap qaldy. Qalada jaryq pen kommýnıkatsııa joq, onda qutqarýshylar jete almaı otyr.

Qyzyl jarty aı qoǵamy bolyp jatqan oqıǵany qasiret dep atady.

Sý tasqyny eldiń onsyz da aýyr jaǵdaıyn kúrdelendirip jiberdi. 2011 jyly Kaddafı rejımi qulatylǵannan keıin bılikke eki úkimet talasyp jatyr: biri – shyǵysta, ekinshisi – batysta. Al jergilikti halyq kedeıshilikte kún keshýde.