ASTANA. KAZINFORM — Parlament palatalarynyń birlesken otyrysy bastaldy. Jıynǵa Senat pen Májilis depýtattary, ortalyq memlekettik organdar basshylary, Ulttyq quryltaı músheleri, qoǵam ókilderi men eńbekkerler qatysyp otyr.
Sarapshylardyń pikirinshe, Prezıdent Qasym-Jomart Toqaevtyń Qazaqstan halqyna bıylǵy Joldaýy strategııalyq mańyzy bar baǵyttarǵa arnalady. Onyń ishinde memlekettik basqarý men ekonomıkada tıimdiligin dáleldegen tsıfrlandyrý men jasandy ıntellekti engizý máseleleri basty orynǵa shyǵady. Sonymen qatar ishki naryqty damytý, joǵary qosylǵan quny bar ónim óndirýdi yntalandyrý, azyq-túlik, energetıkalyq jáne kólik qaýipsizdigin nyǵaıtý máselelerine basymdyq beriledi. Densaýlyq saqtaý, bilim berý jáne ekologııa salasyndaǵy áleýmettik reformalarǵa da erekshe nazar aýdarylmaq.
Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.
Kazinform saıty tikeleı efırmen qatar, jazbasha translıatsııa da jasaıdy.
Sondaı-aq Joldaý mátinin agenttiktiń telegram arnasynan oqýǵa bolady.
Gúlnur Ǵazızqyzy
Ál-Farabı atyndaǵy QazUÝ jýrnalıstıka fakýltetiniń túlegi. Eńbek jolyn «Qazaq ádebıeti», «Saqshy» gazetterinen bastaǵan. «Dala men Qala» respýblıkalyq qoǵamdyq-saıası aptalyǵynda tilshi, jaýapty hatshy bolyp istedi. «Qazaqstan-Aqtaý» telearnasynyń tilshisi, «Qazaqstan» Ulttyq arnasynyń Mańǵystaý oblysyndaǵy menshikti tilshisi, Mańǵystaý oblysy ákimi baspasóz qyzmetiniń bas mamany, «Qazaqstan» RTRK» AQ Mańǵystaý oblystyq fılıaly dırektorynyń orynbasary – bas redaktory boldy.
Aqparat salasynyń úzdigi.
«QR Prezıdenti teleradıokesheninde» 2022 jylǵy 1 sáýirden bastap isteıdi. Kazinform halyqaralyq aqparat agenttigi basqarýshy dırektorynyń orynbasary – qazaq redaktsııasynyń bas redaktory.