ASTANA. KAZINFORM — Prezıdent Qasym-Jomart Toqaevtyń shaqyrýymen Qazaqstanǵa Kongo Demokratııalyq Respýblıkasynyń Prezıdenti Felıks Chısekedı memlekettik saparmen keldi.
Buǵan deıin habarlaǵanymyzdaı, sapar aıasynda joǵary deńgeıdegi kelissózder ótkizilip, ekijaqty yntymaqtastyqtyń damý perspektıvalary talqylanbaq.
Aıta ketsek, tamyzda Memleket basshysy Qasym-Jomart Toqaev Kongo prezıdentiniń arnaýly ókili Patrık Mpoıı Lýabeıany qabyldaǵan bolatyn. Kezdesý barysynda Kongo Demokratııalyq Respýblıkasy Prezıdentiniń Qazaqstanǵa jasaıtyn saparyna daıyndyq máseleleri sóz boldy.
Al maýsymda Prezıdent Qasym-Jomart Toqaev Felıks-Antýan Chısekedı Chılombony Kongo Demokratııalyq Respýblıkasynyń Táýelsizdik kúnimen quttyqtady. Búginde Kongo óziniń irgetasyn nyǵaıtýda, azamattarynyń yrys-berekesin eseleýde, sondaı-aq halyqaralyq sahnadaǵy mereıin ústem etýde qomaqty jetistikterge qol jetkizip kele jatqanyn atap ótip, bıik belesterge jete berýge tilektestik bildirdi.
Gúlnur Ǵazızqyzy
Ál-Farabı atyndaǵy QazUÝ jýrnalıstıka fakýltetiniń túlegi. Eńbek jolyn «Qazaq ádebıeti», «Saqshy» gazetterinen bastaǵan. «Dala men Qala» respýblıkalyq qoǵamdyq-saıası aptalyǵynda tilshi, jaýapty hatshy bolyp istedi. «Qazaqstan-Aqtaý» telearnasynyń tilshisi, «Qazaqstan» Ulttyq arnasynyń Mańǵystaý oblysyndaǵy menshikti tilshisi, Mańǵystaý oblysy ákimi baspasóz qyzmetiniń bas mamany, «Qazaqstan» RTRK» AQ Mańǵystaý oblystyq fılıaly dırektorynyń orynbasary – bas redaktory boldy.
Aqparat salasynyń úzdigi.
«QR Prezıdenti teleradıokesheninde» 2022 jylǵy 1 sáýirden bastap isteıdi. Kazinform halyqaralyq aqparat agenttigi basqarýshy dırektorynyń orynbasary – qazaq redaktsııasynyń bas redaktory.