Qazaqstan men Estonııa arasyndaǵy saıası qatynastar ózara túsinistik pen senim negizinde damyp keledi. Halyqaralyq máselelerdiń negizgi aspektileri boıynsha eki eldiń ustanymy bir-birine jaqyn.
Qos tarap dıplomatııalyq qatynasty 1992 jyly ornatty. Sol ýaqyttan bastap eki el arasyndaǵy baılanys júıeli túrde nyǵaıyp, 1995 jyly Qazaqstan Lıtva, Latvııa jáne Estonııa elderinde bir ýaqytta elshiligin ashty. Al 2011 jyly Astanada Estonııanyń elshiligi jumysyn bastady. 3 jyl buryn Qazaqstan men Estonııa Birlesken kommıýnıkeni qabyldady. Ol tarıhı jáne strategııalyq yntymaqtastyqtyń mańyzdy kezeńin belgiledi.
Mańyzdy sapardyń mánin Kazinform tilshisi sarapshylarmen birge taldap bergen bolatyn.
Buǵan deıin Alar Karıs 17-19 qarasha kúnderi Astanaǵa memlekettik saparmen keletinin habarlaǵan edik.