Lıvandaǵy qazaqstandyq bitimgerler ınspektsııadan sátti ótti
Lıvandaǵy qazaqstandyqtardyń bitimgershilik bazasyna «BUU bólimsheleri daıyndyǵyn jalpy tekserý» ınspektsııalyq toby bardy. Inspektsııanyń basty maqsaty qarý-jaraq pen áskerı tehnıkany, baılanys quraldaryn, optıkalyq kózdegishti, rotanyń barlyq múlikteriniń durystyǵyn tekserý, sonymen qatar sanıtarııalyq-gıgıenalyq normany saqtaý bolyp tabylady.
Tekseristiń nátıjesi boıynsha barlyq úndilik batalonnyń ishinen ekinshi jıyntyq bitimgershilik rotasyn jaqsy jaǵynan atap ótti.
Ekinshi qazaqstandyq bitimgershilik rotasy «Úndi batalonynyń quramynda qazaqstandyq bitimgershilik kontıngentin óristetý tártibi týraly» Qazaqstan men Úndistan Úkimeti arasyndaǵy ózara túsinistik týraly kelisimge sáıkes «Lıvandaǵy BUU ýaqytsha kúshteri» mıssııasyna qatysady. Mıssııada bolǵan kezeńde «kásibı bitimgershilik» mártebesin ózine bekitti.
«Qazaqstandyq áskerı qyzmetshiler óte erjúrek. Men bul mıssııada júregnime bir jyl boldy. Birinshi jáne ekinshi bitimgershilik rotasymen tanysyp, birge qyzmet etkenime qýanyshtymyn. Olardyń kózderinde qorqynyshtyń joq ekenin meni tań qaldyrady. Birinshi rotatsııa mıssııany oryndaýǵa kelgende ne ekenin bilmese de barlyq mindetterge birden kiristi. Jazǵy kezeńde qandaı jaǵdaı bolatynyn bilmese de, olardy ekinshi rota almastyrdy. Ekinshi rotanyń qyzmeti kezinde Izraıl áskeri Lıvannyń aýmaǵyna zymyran soqqysyn keltirgeni jáne Lıvannyń barlyq aýmaǵyn basyp alǵan demonstranttardyń jappaı narazylyq aktileri jaıly jaǵdaı bolǵany bárine belgili», – dep atap ótti Indonezııa ókili.
«Lıvandaǵy BUU ýaqytsha kúshteri» áskerler shtabynan ınspektsııalyq topty jeke alyp júrgen, BUU Indonezııalyq áskerı polıtsııasy kontıngentiniń komandıri polkovnık Sonı qazaqstandyq bitimgerler qyzmet etip júrgen bazanyń deńgeıin atap ótti.
«Mundaı qaýipti sátterde BUU barlyq qozǵalysty shekteıdi, barlyq patrýlder toqtatylady. Tipti bitimgershilik bazalary da sýmen de, tamaqpen de, basqa da qajettiliktermen jabdyqtalmaıdy. Mundaı jaǵdaıda qazaqstandyqtar ınspektsııalyq topty joǵary deńgeıde qarsy aldy. Mundaı kezde bári de osylaı ótkere almaıtyndyǵyn eskerý kerek!», – dep atap ótti ol.