Lıvandaǵy peıdjerler jarylysynan júzdegen «Hezbolla» múshesi jaraqat aldy

<p>ASTANA. KAZINFORM &ndash; &laquo;Hezbolla&raquo; ókili muny Izraılmen bolǵan bir jylǵa jýyq transshekaralyq atystaǵy &laquo;qaýipsizdikke eń zor nuqsan kelgen kez&raquo; dep baǵalady. Bul týraly&nbsp;<a href="https://www.aljazeera.com/news/2024/9/17/dozens-of-hezbollah-members-wounded-after-pagers-explode-in-lebanon" target="_blank" rel="noopener">Al Jazeera</a> habar taratty.</p>

Qaýipsizdik salasyndaǵy derekkózder Ál-Jazıraǵa Lıvanda baılanys úshin paıdalanylatyn portatıvti peıdjerler jarylǵan kezde júzdegen «Hezbolla» múshesi aýyr jaraqat alǵanyn habarlaǵan.

Seısenbi kúngi peıdjerler jarylysynan zardap shekkenderdiń arasynda Irannyń Lıvandaǵy elshisi Modjtaba Amanı de bar, dep habarlaıdy Irannyń Mehr aqparat agenttigi.

Beırýttan habar taratýshy Ál-Jazıra tilshisi Zeına Hodrdyń aıtýynsha, qurylǵylar kelisilgen shabýyl kezinde buzylyp, jarylǵan. Bul Izraıl men Iran qoldaý bildiretin lıvandyq top arasyndaǵy soǵystaǵy «eleýli oqıǵa» boldy.

«Bul qaýipsizdikti óreskel buzý. «Hezbollanyń» baılanys qurylǵysy buzyldy. Biz Lıvannyń túkpir-túkpirinde er adamdardyń edende jaralanyp jáne qansyrap jatqanyn kórdik. Biz aýrýhanalardyń qan surap jatqany týraly habarlardy kórdik», - dedi ol.

Onyń aıtýynsha, «bir mezgildegi jarylystar» Lıvannyń ońtústiginde, eldiń shyǵysynda jáne jappaı dúrbeleń ornaǵan Beırýttyń ońtústik shetinde tirkelgen.

«Hezbolla» jetekshisi Hasan Nasralla birneshe aı buryn óz jaýyngerlerin smartfondardy paıdalanýdy toqtatýǵa shaqyrdy, óıtkeni Izraılde qurylǵylarǵa ený tehnologııasy bar, dedi Hodr.

«Endi olar peıdjerlerdi paıdalana otyryp basqa baılanys júıesine júgindi jáne olar buzylǵan sııaqty», - dedi ol.

Izraıl Gaza sektorynda soǵysty bastaǵan kúnniń erteńine, ıaǵnı 8 qazannan beri «Hezbollamen» atysyp kelgen Izraıl áskerıleri tarapynan eshqandaı túsindirý bolǵan joq.

Táýelsiz áskerı jáne saıası sarapshy Elaıdja Mane «Hezbolla» Izraıldiń baılanystaryna kedergi jasaý úshin peıdjerlerdi belsendi túrde qoldanatynyn aıtyp, olardy «Hezbolla» múshelerine taratpaı turyp buzǵan bolýy kerek dep boljaıdy.