Lıvan ıÝNISEF-ten 25 tonna medıtsınalyq kómek aldy

<p>ASTANA.KAZINFORM &mdash; Lıvan jeksenbi kúni BUU Balalar qorynan (ıÝNISEF) 25 tonna medıtsınalyq kómek aldy, dep jazady <a href="https://russian.news.cn/20241006/239d05ba4d27485dbadf841688db6c89/c.html" target="_blank" rel="noopener">Sınhýa</a>.</p>

Beırýttaǵy Rafık Harırı atyndaǵy halyqaralyq áýejaıynda ótken qaıyrymdylyq rásimine qatysqan Lıvannyń densaýlyq saqtaý mınıstri Fıras Abıad bul kómekti «aýrýhanalar men densaýlyq saqtaý sektoryndaǵy qıyn jaǵdaıǵa baılanysty mańyzdy kómek» dep atady.

— Bul bizdiń aýrýhanalarymyzdyń jumysyn jalǵastyryp, medıtsınalyq kómekke muqtaj 1,2 mıllıon adamǵa kómegin tıgizedi, — dedi Fıras Abıad.

ıÝNISEF-tiń Lıvandaǵy ókili Edýard Beıgbeder shara barysynda dári-dármek kólemi 67 tonnany quraıtynyn, «birneshe aýrý túrine ushyraǵan 700 myń adamǵa kómek kórsete alatynyn» aıtty.

Sondaı-aq jeksenbi kúni tústen keıin Lıvan premer-mınıstri Nadjıb Mıkatı saparmen kelgen BUU-nyń bosqyndar isi jónindegi Joǵarǵy komıssary Fılıppo Grandımen kezdesip, ony Lıvandaǵy sırııalyq bosqyndar daǵdarysyn sheshýge kómektesýge shaqyrdy.

— Myńdaǵan lıvandyq óz otanynda bosqynǵa aınaldy jáne Lıvan budan bylaı sırııalyq bosqyndardyń aýyrtpalyǵyn kótere almaıdy, — dedi N.Mıkatı óz keńsesi taratqan málimdemede.

N.Mıkatı bul azapty toqtatýdyń jalǵyz sheshimi — Izraıl agressııasyn toqtatyp, 1701 rezolıýtsııasyn oryndaý úshin dereý atysty toqtatý kerektigin aıtty.