Lıvan óz tarıhyndaǵy eń qaýipti kezeńderdi bastan keship jatyr – premer-mınıstr Mıkatı

<p>ASTANA. KAZINFORM &ndash; Lıvan premer-mınıstriniń mindetin atqarýshy Nadjıb Mıkatı óz eliniń &laquo;tarıhyndaǵy eń qaýipti kezeńderdiń birin&raquo; bastan ótkerip jatqanyn aıtyp, Birikken Ulttar Uıymyn Izraıldiń áýe shabýyly saldarynan baspanasyz qalǵan mıllıon adamǵa kómek kórsetýge shaqyrdy.</p>

Bul týraly BUU uıymdary men donor elderdiń elshilerimen kezdesý barysynda aıtyldy. 

Ol sondaı-aq Lıvan úkimetiniń BUU uıymdarymen birlese otyryp, qonys aýdarǵan beıbit turǵyndarǵa gýmanıtarlyq kómektiń jyldam jetkizilýin qamtamasyz etý úshin tıimdi qurylym qurǵanyn atap ótti. 

«Biz búgin Lıvan óz tarıhyndaǵy eń qaýipti sátterdiń birin bastan ótkerip jatqan ýaqytta kezdesip otyrmyz, óıtkeni Izraıldiń Lıvandaǵy joıqyn soǵysy saldarynan mıllıonǵa jýyq halqymyz bosqynǵa aınaldy», - dedi Mıkatı kezdesýdiń basynda. 

Premer-mınıstr BUU uıymdary men donor elderdiń elshilerine de úndeý jasady. 

«Biz qonys aýdarǵan beıbit turǵyndarǵa negizgi qoldaý kórsetý boıynsha turaqty kúsh-jigerimizdi kúsheıtý úshin kómekti arttyrýǵa shaqyramyz», - dedi ol. 

Seısenbige qaraǵan túni Izraıl armııasy Lıvannyń ońtústiginde «Hezbollaǵa» qarsy qurlyq operatsııasyn bastady.

Izraıl Lıvannyń «Hezbolla» shııtter qozǵalysynyń bas hatshysy Hasan Nasrallanyń kózin joıýǵa birneshe ret oqtalǵanyn jazǵan bolatynbyz. Juma kúni jasalǵan sońǵy qastandyq kezinde Hasan Nasralla Beırýttyń ońtústigindegi jerasty shtabynda komandırlerimen jınalys ótkizip jatqan. Sol sátte býnkerge qarsy qoldanylatyn qýatty bomba dittegen jerge dál túsip, «Hezbolla» kóshbasshysy mert boldy.